Microsoft beson se Sony do të prezantojë një PlayStation 5 Slim më vonë këtë vit me çmim $399,99, sipas një dokumenti gjyqësor.
Dokumenti u publikua si pjesë e gjyqit të Federal Trade Commission kundër Microsoft për të përcaktuar fatin e një urdhri paraprak të propozuar kundër blerjes prej $69 miliardë të Activision Blizzard. Në një paragraf mbi çmimin, Microsoft përpiqet të bindë gjyqtaren Jacqueline Scott Corley se Nintendo Switch duhet të konsiderohet në të njëjtin treg me konsolat e serisë Xbox dhe PlayStation 5, një argument që ai beson se shet imazhin e Xbox si një konsolë me ndikim dhe më të vogël se Nintendo Switch .
Është fjalia e fundit në këtë paragraf që me siguri do të nevrikosë disi shefin e Sony-t, Jim Ryan, pasi jo vetëm që tregon për ekzistencën e përfolur prej kohësh të një PlayStation 5 Slim, por edhe çmimin e tij.
“PlayStation shet një Digital Edition të PS5 më pak të shtrenjtë për $399,99 dhe pritet të prezantojë një PlayStation 5 Slim më vonë gjatë këtij viti me të njëjtin çmim të reduktuar”, thuhet në dokument.
Xbox nuk la pa përmendur dhe konsolën e vogël që mbahet në duar, Project Q, të cilën Sony e prezantoi vetëm disa muaj më parë: “Sony pritet gjithashtu të lëshojë një version të vogël të PlayStation 5 më vonë këtë vit për më pak se $300“. Sony nuk kishte shpallur ende një datë për prezantimin e kësaj pajisje ose çmimin.
