Rockstar ka shtyrë prezantimin e Grand Theft Auto 6 deri më 26 maj 2026, ndërkohë që planifikimet e mëparshme pretendonin se kjo gjë do të ndodhte në vjeshtën e vitit 2025. Në një deklaratë, Rockstar kërkoi falje për vonesën e konsiderueshme të lojës, e cila pritet të jetë lançimi më i madh i të gjitha kohërave në botën e video-lojërave.
“Na vjen shumë keq që kjo datë është shumë më vonë se sa pritej,” tha Rockstar. “Duam t’ju falënderojmë për mbështetjen dhe durimin tuaj ndërsa punojmë për të përfunduar lojën. Me çdo lojë që kemi publikuar, qëllimi ka qenë gjithmonë të përpiqemi të tejkalojmë pritshmëritë tuaja, dhe Grand Theft Auto VI nuk bën përjashtim. Shpresojmë që ta kuptoni se na duhet kjo kohë shtesë për të ofruar nivelin e cilësisë që prisni dhe meritoni. Presim me padurim të ndajmë më shumë informacion me ju së shpejti.”
Deklarata e Rockstar të paktën konfirmon datën e publikimit të GTA 6, por pritja për Trailer 2 vazhdon. Gjithashtu nuk përmenden platformat e lançimit, të cilat mendohet se do të jenë PC, si dhe në PlayStation 5 dhe Xbox Series X dhe S në maj 2026.
Duke komentuar në një shënim të ri për komunitetin e investimeve të lëshuar sot, më 2 maj, Zelnick tha se mbështeste vendimin për të shtyrë GTA 6 në vitin financiar 2027 të Take-Two. “Ne e mbështesim plotësisht Rockstar Games duke i kushtuar kohë shtesë realizimit të vizionit të tyre krijues për Grand Theft Auto VI, i cili premton të jetë një përvojë argëtimi inovative dhe blockbuster që tejkalon pritjet e audiencës.”
Vonesa e GTA 6 hap gjysmën e dytë të vitit 2025 për një numër lojërash të tjera, ndoshta tani me më shumë hapësirë për të pasur sukses. Lojëra të tilla si Borderlands 4 i Gearbox, Battlefield i EA, Marathon i Bungie dhe Ghost of Yotei i Sony pa dyshim do të ndjejnë një lehtësim.
Nintendo, e cila po përgatitet të lançojë Switch 2, me siguri do të përfitojë gjithashtu nga vonesa e GTA 6. Zhvillues dhe botues të tjerë që ndoshta nxituan lojërat e tyre për t’u lançuar përpara dritares së pritur të lançimit të GTA 6 në vjeshtën e vitit 2025, sigurisht që nuk do të jenë aq të lumtur.
