Me 2020-ën si vit fantastik për industrinë video-game, ky sport nuk ka ku shkon tjetër veçse në ngritje nga këtu. Duke tërhequr pas vetes një numër të lartë të karantinuarish, vëmendja e gamers-ave do të jetë goxha e lartë edhe për 2021, me tituj të rinj e klasik të vjetër që pritet të sjellin seritë e radhës. Nga këta të fundit po rendisim disa prej më kryesorëve, lista e plotë ndërkohë mban mbi 50 tituj që pritet të dalin në 2021.
- FAR CRY 6
Me një bazë fansash goxha të shëndetshme, seria e radhës pritet të marrë edhe ca të tjerë, meqënëse prezenca e Giancarlo Espositos si antagonist i lojës shkaktoi shumë gëzim në komunitet. Lojtarët do të kenë kontrollin e Dani Rojas një ushtar guerrilas, i cili lufton për të liruar vendin e tij nga regjimi totalitar. Ajo do të jetë një open world me një variacion goxha të madh taktikash e armësh.
Pritej të dilte brenda 2020, por meqë teknikisht nuk ishte ende gati, u shty për dikur nga fillimi i 2021. Më mirë kështu sesa të kemi një Cyberpunk të dyte.
- GOD OF WAR: RAGNAROK
Kalimi i zotit të luftës në mitologjinë nordike, u performua mjeshtërisht në serinë e fundit të lojës në 2018, një lojë aq magjike sa mori çdo fron të mundshëm të atij sezoni. Nuk ka shumë detaje për serinë e radhës nga Sony, (madje as emri Ragnarok nuk është i sigurt) por duke ndjekur kronologjinë e kulturës norse, pretendohet se Kratos dhe i biri Atreus do të vazhdojnë të vrasin ca perëndi të tjera edhe këtë herë. E nëse shenjestra e radhës është siç parashikohet Thor, perëndia e rrufeve, një tjetër çekan super nona pritet të kalojë në duart e Kratos.
- GRAN TURISMO 7
Okay, koha të djegim ca gomë. Absolutisht ndër titujt më konsistent të sportit të garave me makina, GT 7 premton të sjellë rezolucionin më të arrirë ndonjëherë për sagën, me 4K HDR dhe 60fps. Përveç makinave të reja që i shtohen listës, kësaj here loja do të japë mundësinë që leva e kontrollit të PS5 të tregojë gjithë potencialin e vetë. DualSense me reagimin haptik dhe këmbëza me përshtatje duhet t’a afrojnë goxha me eksperiencën e vërtetë të një stimulatori garash. Dy dekada Gran Turismo janë eksperiencë e mjaftueshme për të ndezur shpirtin sportiv brenda kujtdo.
- HALO INFINITE
Edhe ky një tjetër titull i shtyrë për 2021. Kur u shfaq për herë të parë gameplay i Infinite, reagimet ishin të përzjera. Shumë e krahasuan atë me serinë e parë të lojës lançuar me Xbox-in e parë gjithashtu. Edhe kjo do të jetë fillimisht eksluzivitet i Microsoft, e më pas do të kalojë në PlayStation. 343 Industries ka goxha pritshmëri për të përmbushur, le të shohim deri ku do të arrijnë.
- HITMAN 3
Agjenti 47, një vrasës internacional i cili mund të ndërrojë identitet dhe të përdorë çdo mjet të mundshëm për të hequr qafe kundërshtarët e tij rikthehet shumë shpejt. Strategjia e lirë për të hequr qafe kundërshtarët e vetë ka qenë gjithnjë pikë e fortë e lojës, me fuqinë e konsoleve të reja, lojtarët do të kenë në dispozicion shumë mënyra të reja për të vrarë. Ajo do të dalë shumë shpejt, madje që në 20 janar, e do të jetë e disponueshme për literalisht çdo platformë.
- HORIZON FORBIDDEN WEST
Diku nga fundi i 2021 pritet të dalë sekuenca e radhës e Zero Dawn. Një lojë e cila zhvillohet në një botë post-apokaliptike plot me përbindsha robotik. Protagonistja e lojës, vijon ende të jetë në kërkim të nënës së saj të humbur teksa rrugës zbulon edhe arsyet pse bota e saj ka degraduar në këtë gjendje. E disponueshme për PS4 dhe 5.
- RESIDENT EVIL VILLAGE
Pasuesja direkte e Biohazard, do të sjellë përsëri protagonistin Ethan Winters, dhe prespektivën në vetën e parë. Terrore të reja priten për sagën, me shumë mundësi njerëz-ujqër në një fshat të vogël. Loja pritet të vijë në të gjitha platformat, këshillë nga shkruesi, versioni VR nuk është për ata me zemër të dobët.
E bashkë me titujt tanë të preferuar lista e lojrave të reja këtë vit është shumë e gjatë:
- BACK 4 BLOOD
- BALAN WONDERWORLD
- BRAVELY DEFAULT 2
- CHORUS
- DEATHLOOP
- DIABLO 4
- DUNGEONS & DRAGONS: DARK ALLIANCE
- DYING LIGHT 2
- ELDEN RING
- GHOSTWIRE: TOKYO
- GOTHAM KNIGHTS
- THE GUNK
- HOGWARTS LEGACY
- HOLLOW KNIGHT: SILKSONG
- HUMANKIND
- IT TAKES TWO
- JETT: THE FAR SHORE
- KENA: BRIDGE OF SPIRITS
- THE LEGEND OF ZELDA: BREATH OF THE WILD 2
- LITTLE NIGHTMARES 2
- THE LORD OF THE RINGS: GOLLUM
- THE MEDIUM
- METAL: HELLSINGER
- MONSTER HUNTER RISE
- NEO: THE WORLD ENDS WITH YOU
- NEW POKÉMON SNAP
- NIER REPLICANT
- THE OUTLAST TRIALS
- OVERWATCH 2
- PERSONA 5 STRIKERS
- PLAYDATE
- PSYCHONAUTS 2
- RATCHET & CLANK: RIFT APART
- RETURNAL
- RIDERS REPUBLIC
- SABLE
- SCORN
- SHIN MEGAMI TENSEI 5
- SOLAR ASH
- STALKER 2
- STRAY
- TWELVE MINUTES
- VAMPIRE: THE MASQUERADE — BLOODLINES 2