Gjatë një eventi të transmetuar drejtpërdrejt, EA prezantoi ditën e djeshme se loja e re e futbollit, EA Sports FC, do të lançohet më 22 shtator përpara për përfituesit me akses të shpejtë, para një lançimi më të gjerë më 29 shtator. Do të jetë i disponueshëm në PlayStation 5, PlayStation 4, Xbox Series X / S, Xbox One, PC dhe Nintendo Switch. Mjafton të ndiqni videon e mëposhtme për të parë një trailer të kësaj loje.
Eventi u hap me një monolog të gjatë nga CEO i EA Andrew Wilson, gjatë së cilit ai shpjegoi historinë e tij të gjatë me këtë sport, duke përfshirë punën e tij në EA Sports dhe duke mos e përmendur fjalën FIFA asnjë herë.
“Ne do të bëjmë një hap tjetër gjigant përpara”, tha Wilson për lojën e re. Qëllimi përfundimtar, tha ai, ishte të lidhte 1 miliard fansa përmes kësaj loje. FC24 është ndërtuar me një version të “përmirësuar” të Frostbite Engine të EA, i cili përfshin një teknologji të quajtur Hypermotion V, dhe kompania thotë se kjo bën të mundur krijimin e animacioneve të reja për lojën brenda pak ditësh.
Ekziston gjithashtu një teknologji e re e quajtur “stilet e luajtjes“, e cila përdor të dhënat e lojtarëve në botën reale për të krijuar reagime më të gjalla të lojtarëve aktualë. Loja e re do të zgjerojë praninë e EA në futbollin e klubeve për femra – që filloi në FIFA 23 – me dy liga të reja, që mbulojnë klubet profesionale në Gjermani dhe Spanjë.
Kompania njoftoi gjithashtu marrëveshje “ekskluzive” me Premier League dhe UEFA Champions League. Si pjesë e njoftimit, kompania prezantoi dhe një lojë të re për smartphone të quajtur FC Tactical.
