Codemasters dhe Electronic Arts kanë lançuar “EA Sports F1 2”, lojën zyrtare të kampionatit 2022 FIA Formula 1 për PlayStation 5, PlayStation 4, Xbox Series X/S, Xbox One dhe PC përmes Origin dhe Steam.
Loja e këtij viti përfshin makina të reja të dizenjuara për garim më realistik dhe emocionues, ndryshime të rëndësishme të rregullave me përfshirjen e F1 Sprint, si dhe prezantimin e Miami International Autodrome dhe përmirësime të pistave në Spanjë, Australi dhe Abu Dhabi.
F1 22 sjell inovacione teknologjike duke përfshirë këtu përmirësime të lëvizjeve të makinave, pozicionimit dhe modeleve të gomave që reflektojnë ndryshimet në botën reale. Loja prezanton Adaptive AI, një shërbim që i rregullon nivelin e vështirësisë së aplikuar në kundërshtarët AI duke përshtatur shpejtësinë dhe rivalitetin e tyre. VR debuton gjithashtu në PC, duke ofruar një eksperiencë tepër tërheqëse në pistë të F1.
“F1 22 sjell një balancë shumë të mirë për të gjithë fansat e garimit në të gjitha nivelet që thellohet me origjinalitetin e eksperiencës në Formula 2, me momente garimi sfiduese, realiste dhe me shumë adrenalinë.” tha Lee Mather, zyrtar i lartë drejtues në Codemasters.
F1 22 sjell gjithashtu ndryshime në audio, duke përfshirë këtu regjistrimin dhe shtimin gjuhëve të ndryshme në ekipet komentuese dhe muzikë dinamike gjatë lojës.
Në F1 Life, lojtarët do të kenë mundësinë të shfaqin makinat e tyre luksoze, aksesorët dhe trofertë e fituar duke përmbyllur misionet në lojë.