Drejtuesi i PlayStation Jim Ryan ka fluturar personalisht drejt Brukselit gjatë muajit të kaluar për të diskutuar planin e Microsoft për blerjen e Activision Blizzard, sipas një raportimi të ri.
Dealreporter tregon se Ryan diskutoi me rregullatorët e Bashkimit Evropian të cilët aktualisht po vlerësojnë blerjen e propozuar dhe shprehu qartazi shqetësimet e tij mbi blerjen e kësaj kompanie nga rivalët e PS.
Activision Blizzard është gjithashtu prodhuesi i serisë Call of Duty, një ndër lojrat më të shitura në PlayStation përgjatë çdo viti, dhe PlayStation është tepër e tmerruar se mund të humbasë akses në versionet e ardhshme të kësaj loje sapo shitja e kompanisë të bëhet zyrtare.
“Ky brand është i vetmi i cila ka arritur të futet në top 10 brandet më argëtuese të fansave, duke iu bashkuar titujve të tjerë si Star Wars, Game of Thrones, Harry Potter dhe Lord of the Rings,” treguan përfaqësuesit e Sony në betejën ligjore në Brazil. “Call of Duty është kaq i njohur saqë influencon zgjedhjen e konsolës nga përdoruesit, dhe komuniteti i gamers-ave të kësaj loje janë kaq besnikë saqë dhe në qoftë se do të prodhohej një tjetër lojë e ngjashme, nuk do të linin pas këtë CoD.”
Blerja e Activision Blizzard nga Microsoft u prezantua në janar të 2022 dhe pritet të mbyllet përfundimisht në qershor të 2023.
