Jan Koum është një ndër bashkë-themeluesit e WhatsApp, që me sa duket ka zgjedhur të ankorojë dy superjahtet e tij në portin e Durrësit. Ai mbërriti në Shqipëri këtë të martë (6 gusht) duke bërë një ndalesë pas disa pushimeve në Palma de Mallorca, Spanjë.
Porti detar i Durrësit është përzgjedhur shpesh herë nga persona tepër të pasur në mbarë botën, dhe për këtë ekziston një shkak. Shumica e këtyre superjahteve ankorojnë në këtë port për të “mbushur plot” serbatorët e tyre me naftë, pasi ato e blejnë me një çmim shumë herë më të lirë se në të gjithë vendet e tjera, duke përfituar nga “turizmi i naftës” që lejon anijet dhe jahtet e huaja të furnizohen me çmimin e bursës.
Llogaria e Autoritetit Portual Durrës ndau në Facebook disa postime ku tregon fotografi të jahteve Moonrise dhe Nebula të ankoruar në këtë port. Superjahti Moonrise i prodhuar në vitin 2020 është rreth 100 metra i gjatë, me shpejtësi maksimale lundrimi 19.5 nyje. Në këtë superjaht mund të akomodohen 16 persona ndërkohë që ekuipazhi ka 32 anëtarë.
Nga ana tjetër Nebula është një jaht me gjatësi 68 metra qëka nisur të lundrojë para 2 vitesh, dhe është jati i dytë më i madh i ndërtuar nga Astilleros Armon.
