Program for International Student Assessment (PISA) është një test ndërkombëtar që ka nisur në vitin 2009 i cili ka si qëllim matjen e aftësive të studentëve 15 vjeçar në lexim, matematikë dhe shkenca, dhe kryhet çdo 3 vite.
Për fat të keq studimi i kryer në lidhje me nivelin e performancës së studentëve në Shqipëri në vitin 2022 ka shfaqur një problem madhor me arsimin në këtë vend, pasi u regjistrua një nivel shumë i ulët performance në matematikë dhe shkencë. Shqipëria ka rënë me plot 47 vende në renditje për sa I përket leximit, 41 vende në shkencë dhe 69 vende në matematik në krahasim me rezultatet e viti 2018, duke shënuar përkeqësimet më të mëdha në krahasim me të gjitha vendet e marra në konsideratë në nivel global.
Gjithashtu testi i PISA tregon se nxënësit në Shqipëri janë poshtë nivelit mesatar të vendeve që janë anëtarë të Organizatës për Bashkëpunim dhe Zhvillim Ekonomik.
Ajo që na bën përshtypje ne dhe studiuesve është rënia e madhe në renditje, pasi nxënësit shqiptarë kanë pasur një performancë të mirë gjatë viteve të mëparshme. Ekziston mundësia që në këtë rënie të performancës të ketë ndikuar dhe pandemia e COVID, që i detyroi shumicën e shkollave t’i drejtohen mësimit online.
Gjithashtu duhet të përmendet dhe fakti se 50% e pjesëmarrësve në këtë testim ishin studentë nga zona shumë të prekura nga tërmeti i 26 nëntorit, një fatkeqësi natyrore që mund të ketë ndikuar në performancën e studentëve duke i lënë ato për shumë ditë pa shkollim.
