Blerja e librave është në krye të listës së produkteve të preferuara që njerëzit në Shqipëri porosisin në internet, dhe më shpesh sesa librat, blihen vetëm rroba dhe produkte nga dizajner vendas. Të anketuarit më së shumti porosisin produkte përmes smartphone-ve (80%), 12% e tyre e bëjnë këtë përmes laptopëve të tyre, ndërsa vetëm 5% e mbajtësve të kartave praktikojnë blerje përmes kompjuterit.
Librat blihen në një masë të ngjashme me pajisjet elektronike, të ndjekura nga pajisjet shtëpiake, produktet e shtëpisë dhe ato që janë në dispozicion në platformat online.
Kjo u zbulua nga hulumtimi rajonal i kryer nga Visa, rezultatet e së cilës u botuan në Ditën Botërore të Librit dhe të Drejtës së Autorit.
Në krahasim, literatura popullore dhe profesionale është produkti i tretë më i kërkuar midis blerësve në Maqedoninë e Veriut dhe Serbi. Blerja e librave online në Bosnjë dhe Hercegovinë është në të njëjtën nivel si me shumicën e kategorive të tjera, shumë mbrapa veshjeve dhe këpucëve, me një statistikë të ngjashme në Malin e Zi.
Përfitimet kryesore të pagesave në internet përmes smartphone janë komoditeti (73%), si dhe shpejtësia (45%) dhe thjeshtësia kur krahasohen me opsionet e tjera (42%). Në të njëjtën kohë, një e katërta e pjesëmarrësve në hulumtim besojnë se pagesa me smartphone ofron rekomandime të personalizuara, si dhe përmbajtje specifike bazuar në vendndodhjen e përdoruesve.
“Më vjen mirë që në Shqipëri dhe rajon ka një vetëdije të fortë për blerjen e librave në internet, dhe që letërsia dhe arti po mbajnë një ritëm me zhvillimin gjithnjë e më të shpejtë të teknologjisë. Është e-commerce në të gjithë botën, që ka lulëzuar dhe ndikuar në transformimin dixhital të shumë bizneseve dhe kategorive të shitjeve me pakicë, gjë që ndikon gjithashtu në zakonet tona të përditshme, siç janë mënyrat e blerjes së diçkaje. Ne mund të shohim këtë gjë në rezultatet e hulumtimit që kemi kryer, i cili tregoi se qytetarët po përqafojnë inovacionin dhe gjithnjë e më shumë përdorin smartphone-t kur paguajnë në internet, sepse kjo u sjell atyre përfitime të shumta, kryesisht shpejtësi, efikasitet dhe siguri”, tha Vladimir Djordjevic, Menaxher i Përgjithshëm i Visa për Evropën Juglindore.
Kur bëhet fjalë për shpeshtësinë e blerjeve në internet, më shumë se një e katërta e të anketuarve blejnë produkte dhe shërbime disa herë në muaj, dhe midis atyre që nuk kanë provuar ende të blejnë në internet përmes smartphone-ve, madje 67% e tyre planifikojnë ta bëjnë këtë në të ardhme.
Pranimi më i shpejtë dhe i lehtë i metodave inovative të pagesës u ndikua kryesisht nga përvoja personale pozitive (77%), e ndjekur nga rekomandimet e miqve dhe bankës (32%), dhe 22% theksojnë se zgjedhja e tyre ndikohet nga përvojat e anëtarëve të familjes dhe kolegëve.
Kundrejt zakoneve të ndryshme, hulumtimet tregojnë se blerësit nga rajoni kanë gatishmëri të ngjashme për të adoptuar teknologji moderne.
