Shpesh herë na ndodh të harrojmë se çfarë dëshironim të bënim vetëm pak sekonda më parë, apo ku e kemi lënë një objekt pasi hymë ose dalim nga një dhomë. Nëse ju jeni të mërzitur nga kjo gjë, do të jeni të lumtur të dëgjoni këshillën e një shkencëtari nga Cambridge.
Sipas profesor Jon Simons, përpjekja aktive për të kujtuar diçka është ajo që mund të ndalojë rikthimin e kujtesës. Në vend të kësaj, ai këshillon të mendoni për diçka tjetër ose të gjeni një mënyrë për t’u çlodhur për të rikuperuar kujtimet.
Kreu i Cambridge University Memory Lab shpjegoi trukun e tij të kujtesës në podcastin Rosebud. “Ajo që ndodh kur ne me të vërtetë përpiqemi të kujtojmë diçka, është se me këtë përpjekje pengojmë rikthimin e kujtesës,” shpjegoi ai. “Dhe vetëm kur ajo përpjekje që kemi bërë gradualisht ulet dhe ne ndoshta mendojmë për gjëra të tjera ose thjesht qetësohemi dhe relaksohemi, kujtesa mund të rikthehet.” Në podcast, prezantuesi Gyles Brandreth foli për një kohë kur dëshironte të kujtonte emrin e dikujt që kishte menduar për herë të fundit 55 vjet më parë.
Duke iu përgjigjur kësaj pyetje, profesor Simons tha: “Ky fenomen që përshkruani, lloji i ndjesisë sikur e keni në majë të gjuhës fjalën që dëshironi të thoni, por nuk mund ta sillni plotësisht në mendje, është një ndjesi shumë e zakonshme që ne të gjithë përjetojmë herë pas here. ‘
Me sa duket mjafton që ne të relaksojmë paksa veten tonë në mënyrë që të rikujtojmë se çfarë dëshironim të bënim në rradhë të parë.
