Një ligj i ri i miratuar në Illinois është tani i pari në vend i krijuar për të mbrojtur të ardhurat e fëmijëve të fituara nga rrjetet sociale ose që shfaqen në përmbajtjet e rrejteve sociale të prindërve të tyre.
Guvernatori i Illinois, JB Pritzker e nënshkroi ligjin në 11 gusht. Duke filluar nga 1 korriku 2024, fëmijët nën 16 vjeç që janë social media influencer ose që shfaqen në përmbajtjen e prindërve të tyre do të kenë të drejtën për një përqindje të caktuar të fitimeve nga ato përmbajtje bazuar në kohën totale që ato shfaqen.
Këto para duhet të vendosen në një fond mirëbesimi derisa fëmija të mbushë 18 vjeç. Në të kundërt, sipas ligjit, ata kanë të drejtë të padisin prindërit e tyre. Ky legjislacion u përkrah për herë të parë nga Shreya Nallamothu, e cila në moshën 15-vjeçare e gjeti veten të shqetësuar për mbrojtjen e fëmijëve që gjenin yje në internet, raportoi Associated Press.
Ajo kontaktoi Senatorin e Shtetit David Koehler me idenë e saj, dhe ai më vonë propozoi legjislacionin. “E kuptova se ka shumë shfrytëzime që mund të ndodhin brenda botës së ‘kidfluencing’,” tha Nallamothu për Associated Press. “Dhe kuptova se nuk kishte absolutisht zero legjislacion në fuqi për t’i mbrojtur ata.” Koehler tha se ai pret që Illinois nuk do të jetë i vetmi shtet që do të miratojë këtë ligj. “Unë mendoj se do të shihni shtete të tjera që na ndjekin për këtë,” tha Koehler për Teen Vogue. Ëashington po shqyrton gjithashtu një ligj të ngjashëm, i cili ka ngecur në State House Commitee që nga shkurti.
