Pas një sezoni të parë që theu shumë rekorde, seriali dramatik Squid Game do të vijë së shpejti me sezonin e dytë. Ndërkohë që fansat presin deri sa ky shoë të rikthehet, regjizori Hwang Dong-hyuk ka përgatitur një dhuratë të vogël në formën e një videoje të papublikuar më parë nga sezoni i parë gjatë eventit të përvitshëm të Netflix Tudum global fan event.
Ky short 40 sekondësh fokusohet tek Front Man, antagonisti kryesor pas lojrave të mbijetesës i cili u zbulua gjatë sezonit të parë se ishte vëllai i detektivit Hwang Jun-ho dhe fitues i edicionit të 28 të Squid Game në 2015.
Kjo video ekskluzive tregon Front Man duke ecur pas në apartamentin e tij me një qese ku gjenden 2 peshq të artë. Ai e zbraz qesen në një vazo qelqi dhe e shikon atë nga sipër, në mënyrë të ngjashme si ndjek dhe garën për mbijetesë të lojtarëve në Squid Game. Në fund të videos shihet një burrë që po vëzhgon apartamentin e Front Man, gjë që tregon se dikush po ndjek hapat e tij.
“Do të dëshiroja të falenderoja të gjithë fansat e Netflix në mbarë botën për dashurinë që kanë shfaqur ndaj Squid Game. Ju lutem prisni me padurim prezantimin e sezonit të dytë i cili do të jetë i mbushur plot me histori.” tha regjizori Hëang.
