Shpesh herë ne kemi parë se si në internet ripublikohen episode të ndryshme të The Simpsons pasi janë shumë të ngjashme me ndodhi në jetën reale, dhe duket sikur ky serial “ka parashikuar gjithçka”.
Kësaj here, pas mbytjes së nëndetëses që transportonte turistët në vendin e zhytjes së Titanikut, fansat kanë treguar se ekziston një episode në The Simpsons që përshkruan këtë fatkeqësi. Ky episod “The Treasure of Piso Mojado” është publikuar në vitin 2006 si pjesë e sezonit të 17, dhe në të mund të shikojmë se si Homer Simpson bëhet pjesë e një aventure për të zbuluar rrënojat e një anije të mbytur.
Ky personazh jo vetëm që po kërkon një anije të mbytur në fund të oqeanit, njësoj si Titaniku, por dhe nëndetësja është e ngjashme me atë të OceanGate. Në bordin e anijes Homer bashkohet me Mason Fairbanks, dhe është i bindur se ai është babai i tij biologjik. Gjithashtu në bordin e anijes së OceanGate ishin të pranishëm 2 pasagjerë, babai dhe djali Shahzada Dawood dhe Suleman Dawood.
Megjithëse në serialin e animuar Homer Simpson arrin të shpëtojë nga kjo aventurë, historia e vërtetë me OceanGate u shndërrua në një tragjedi të vërtetë.
Tashmë episodi i 1-të i sezonit të 17 të The Simpsons është rishfaqur në internet dhe fansat po tregojnë se si është e mundur që ky serial parashikoi dhe këtë ndodhi.
“The Simpsons godet sërisht,” tha një fans. Një tjetër tregoi se ky episod provon teorinë konspirative se ne jetojmë në një simulim të gjeneruar nga kompjuteri.
