Në aeroportin Heathrow të Londrës, disa pasagjerë treguan se kishin gjetur rradhë të gjata në linjat e emigracionit. Në Dublin, një tufë e madhe valixhesh u rreshtua në muret e terminalit, disa prej tyre ishin nga fluturimet që kanë arritur një javë më parë.
Pushimet e verës sapo kanë nisur dhe me SHBA që kanë hequr kërkesën për një testim për koronavirusit për pasagjerët ndërkombtarë, shumë aeroporte evropiane po vuajnë nga një ndërprerje e madhe.
Çfarë po ndodh?
Që nga muaji mars dhe prill ka patur probleme me transportimin e valixheve në aeroportet britanike. Në Hollandë nga muaji maj u raportuan rradhë të gjata pritjeje para se të futeshin në terminal.
Problemi kryesor besohet të jetë mungesa e agjentëve të sigurisë, e cila i ka lënë pasagjerët për një kohë të gjatë të presin në rresht për t’u futur në qytete të ndryshme, duke bërë kështu që dhjetëra udhëtime të anulohen.
Një tjetër mungesë ndihet gjithashtu dhe në stafin e mbajtësve të valixheve, gjë që shpjegon faktin se disa persona e kanë marrë valixhen e tyre disa ditë pasi kanë arritur.
Përse janë gjërat kaq keq?
Si shumë industri të tjera, aeroportet pushuan nga puna një pjesë të mirë të stafit për shkak të pandemisë, dhe tashmë po hasin probleme të rikthehen në nivelet e njejta si para pandemisë.
Gjithashtu dhe të gjithë personat e rinj të punësuar kanë nevojë për një trajnim të specializuar apo dhe të presin për kredencialet e sigurisë. Një faktor që e përkeqëson situatën janë dhe pagesat e ulëta në shumë aeroporte evropiane, të cilat e bëjnë të vështirë konkurimin me industritë e tjera.
Për sa kohë pritet të zgjasë ky problem?
“Ky problem nuk është shumë i thjeshtë për t’u zgjidhur”. tha Rory Boland. ”Nëse ju keni planifikuar të udhëtoni gjatë verës me shumë mundësi do të hasni disa probleme pasi nuk ka staf të mjaftueshëm në aeroporte.”
Ai parashikon se dhe nëse ofertat e punësimit përmirësohen gjatë kësaj kohe, do të duhen të paktën disa muaj deri sa situata të përmirësohet, ndoshta deri në vjeshtë ose në dimër.
Geek Room i sugjeron të gjithë personave që po planifikojnë të udhëtojnë brenda Evropës që të kontrollojnë aeroportet dhe website-et e linjës ajrore një ditë para fluturimit, të arrijnë në aeroport 2 orë më parë, merrni një çantë dore nëse mundeni dhe merrni një xhaketë me vete në rast se ju duhet të prisni jashtë terminalit.
