Pija e parë me gaz e krijuar nga inteligjenca artificiale (AI) është këtu.
Quhet Coca-Cola Y3000 Zero Sugar, një pije limited-edition që arriti në treg më herët gjatë këtij muaji, është shija e së ardhmes, tha kompania në një deklaratë. Në fund të fundit, ajo është krijuar me aftësinë e kombinuar të “inteligjencës njerëzore dhe AI së bashku për të shprehur atë që Coca-Cola beson se do të sjellë e nesërmja“.
Mirëpo si u krijua kjo pije?
Kompania tha se ata u kërkuan fansave nga e gjithë bota që të dërgonin komentet e tyre se çfarë shije do të përmbante një pije nga e ardhmja, gjë që ndihmoi Coca-Cola-n në përgatitjen e saj. Përdorimi i AI ndihmoi kompaninë të zhvillonte profile shije të ndryshme dhe të dizenjonte paketimin e jashtëm të produktit – logon dhe tekstin.
Çdo kanaçe Y3000 ka gjithashtu një kod QR, i cili, kur skanohet, do t’u japë klientëve një këndvështrim të vitit 3000. Konsumatorët do të jenë në gjendje të hyjnë në Coca-Cola Creation Hub, ku mund të filtrojnë fotot përmes kamerës AI të personalizuar Y3000. “Ne shpresojmë që Coca-Cola do të jetë akoma po aq e rëndësishme dhe freskuese në vitin 3000 sa është sot, kështu që ne sfiduam veten të eksploronim konceptin se çfarë shije mund të ketë një Coca-Cola nga e ardhmja – dhe çfarë lloj përvojash do të kishte një Coca-Cola nga e ardhmja?” tha Oana Vlad, drejtore e lartë e strategjisë globale në Coca-Cola.
Njerëzit që jetojnë në Shtetet e Bashkuara, Kinë, Evropë, Kanada dhe Afrikë do ta kenë produktin në dispozicion në tregjet e tyre për një periudhë të kufizuar.
