Industria e zbavitjes ka qenë padyshim e ndikuar nga pandemia, që nga kufizimet e personelit e deri tek numri i personave në një hapësirë të mbyllur. Dhe një pjesë e madhe e spektakleve tashmë xhirohen nga shtëpia e moderatorit ose konkurentit, dhe gjithçka filmohet me mjete amatore ndryshe thëne me smartphone.
iPhone nga Apple duket se është i preferuari i Hollywood, pasi një pjesë e madhe e emisioneve filmohet me të, më i fundit në listë American Idol.
Dhe Apple shfrytëzon rastin për pak mburrje dashamirëse:
“Ne e dimë se njerzit po mbështeten më shumë se kurrë tek spektaklet e tyre të preferuar ndërsa rrinë në shtëpi, dhe jemi të lumtur të jemi pjesë e këtij proçesi me skuadrën e American Idol. iPhone ofron një zgjidhje unike për të sjellë transmetim cilësor video, në pëllëmbë të dorës, ndërsa mban stafin e produksionit dhe talentet televizive të sigurtë në shtëpitë e tyre.”
Për konkursin e American Idol, producentët dërguan në shtëpitë e konkurentëve dhe jurisë nga tre iPhone 11 Pro, një stativ dhe një dritë rreth.
Në Mars Connan O’Brien deklaroi se do ta xhironte pjesën e mbetur të spektaklit të tij me iPhone. “Nuk do të dalë shumë bukur, por ndjehuni të lirë të qeshni me përpjekjen tonë,” u tall O’Brien atë kohë.
Sigurisht që kamera e iPhone nuk do të zëvendësojë kamerat profesionale për produksione televizive. Por për momentin po i hyjnë në punë shumë industrive ndaj dhe Apple ska si të mos jetë më e lumtur.
