Në Lojërat Olimpike Verore të Parisit 2024, Le Monde raporton se atletët e volejbollit të Japonisë dhe skuadrave të tjera do të konkurrojnë me veshje të bëra nga një pëlhurë e re që mund të thithë më mirë dritën infra të kuqe.
Ngjashëm me avionët stealth që shmangin zbulimin duke devijuar sinjalet e radarit larg detektorëve, pëlhura thith dhe parandalon dritën infra të kuqe të arrijë kamerat dhe sensorët infra të kuqe. Kur përdoret te njerëzit, fotografia me rreze infra të kuqe mund të zbulojë linjat e trupit të një personi ose të brendshmet që ai ka veshur nën një shtresë të hollë veshjesh, siç janë ato të veshura nga atletët. Në vitin 2020, atletët u ankuan në Komitetin Olimpik Japonez pasi zbuluan “foto të tyre me rreze infra të kuqe të shpërndara në mediat sociale me mbishkrime seksualisht eksplicite“, sipas The Japan Times.
:format(webp)/cdn.vox-cdn.com/uploads/chorus_asset/file/25507633/mizuno_fabric_olympics.jpg)
Që atëherë, Mizuno, Sumitomo Metal Mining dhe Kyodo Printing kanë zhvilluar së bashku pëlhurën e re që tërhiqet mjaftueshëm për t’u përdorur në uniformat atletike duke mbrojtur gjithashtu atletët.
Në eksperimentet e Mizuno, një “C” e zezë e printuar nën një uniforme të përdorur nga atletët është pothuajse tërësisht e errësuar kur fotografohet me një aparat fotografik infra të kuqe. Sigurisht që nëse materiali i uniformave të atletëve do të ishte më i trashë, nuk do të kishim probleme të tilla, mirëpo për shkak të temperaturave të nxehta ato duhet të jenë sa më të holla për të qenë të rehatshme.
