Shpesh herë kemi parë që persona të ndryshëm të shndërrohen në viralë nëpër rrjetet sociale, sidomos në TikTok, jo falë dijenive të tyre por pasi parapëlqejnë të debatojnë në mënyrë vulgare.
Një rast i tillë ishte dhe ai i zonjës Rombula, e cila është akuzuar se ka shfrytëzuar nipin e saj 10 vjeçar për përfitime ekonomike nga daljet e shpeshta live në rrjetin social TikTok. I akuzuar gjithashtu për të njejtën shkelje është dhe babai i të miturit.
Në videot live në rrjetet sociale është parë shpesh herë se si Rombula përdorte një gjuhë denigruese në komunikimet e saja me ndjekësit, shpesh herë dhe në praninë e djalit të mitur, të cilin e nxiste të shante në një fjalor të papërshtatshëm.
Prindërit e djalit janë të divorcuar, dhe ishte nëna e cila ka denoncuar rastin në polici të cilat më pas çuan në nisjen e hetimeve nga ana e policisë. Pas kryerjes së hetimeve, gjykata e Beratit ka dhënë masën e sigurisë “Arrest me burg” pa afat për Natasha dhe Armando Kumarakun.
