Raportimi “Gen Z Reroute” i Zety, i bazuar në një anketim me 1,000 punonjës të gjeneratës Z në SHBA, zbulon se inteligjenca artificiale po ndikon fuqishëm në vendimmarrjen e karrierës në fazat e hershme të saj. Gjenerata Z po sfidon vlerën tradicionale të diplomës universitare, po rishikon rrugët korporative dhe po orientohet gjithnjë e më shumë drejt profesioneve praktike e më rezistente ndaj AI.
Ky anketim zbuloi se për gjeneratën Z:
- Diploma nuk garanton siguri – 65% mendojnë se një diplomë universitare nuk i mbron nga humbja e punës për shkak të AI.
- Ka pasiguri për të ardhmen – 18% nuk kanë besim se rruga e tyre aktuale e karrierës do të mbetet e rëndësishme pas 10 vitesh.
- Ndikim i drejtpërdrejtë i AI– 43% kanë ndryshuar planet e karrierës për shkak të AI.
- Zanatet po fitojnë terren – 53% po e marrin seriozisht në konsideratë fitimin e një zanati.
- Ndikim kulturor – 53% ndikohen nga rrjetet sociale, 47% nga familja.
Reagimi ndaj tronditjes nga AI:
- 40% po mësojnë aftësi të reja ose po marrin certifikime.
- 29% po shqyrtojnë industri krejtësisht të tjera.
- 18% po aplikojnë në mënyrë impulsive nga frustrimi.
Karriera që perceptohen si më të sigurta:
- 53% – zanate e punë manuale (ndërtim, elektricist, hidraulik).
- 47% – profesione të orientuara te njerëzit (shëndetësi, arsim, punë sociale).
- 31% – karriera kreative.
- 30% – teknologji dhe role të lidhura me AI.
- 28% – vetëpunësimi.
Arsyet për orientimin drejt zanateve: paga më e lartë se pritjet (50%), më shumë mundësi pune (44%), fleksibilitet (35%), hyrje më e shpejtë në treg pa diplomë (19%), shmangia e borxhit të studimeve (18%).
Megjithatë zgjedhje të tilla vijnë me shumë pengesa si kërkesa fizike (38%), pak mundësi avancimi (19%), mungesë informacioni (16%) apo perceptim i ulët prestigji (14%).
Kjo lëvizje, e quajtur “AIxiety Pivot”, tregon një gjeneratë që po riformaton karrierën për të kërkuar siguri, qëllim dhe autonomi në një botë të dominuar nga AI.
