Ka rreth dy muaj që Cruise ka nisur të lejojë banorët e San Francisco të udhëtojnë drejt destinacionit tyre të preferuar nëpërmjet robo-taksive pa shofer. Mirëpo jo gjithçka shkon aq mirë kur kemi të bëjmë me robo-taksi.
Në një video të publikuar në Instagram gjatë fundjavës, një person ka regjistruar një moment të çuditshëm. San Francisco Police Department vuri re se një nga këto makina nuk kishte dritat e ndezura dhe e ndaloi atë. Polici shkon në dritaren e kësaj makine dhe tenton të hapë derën, por nuk arrin dot. Menjëherë makina niset dhe duket sikur po tenton të largohet nga policia.
Welcome to the future. Cop pulls over driverless car (because no lights?) Then Cruise goes on the lamb. (via https://t.co/mtmsIeOAUP) pic.twitter.com/ecQ5xXuSnS
— Seth Weintraub (@llsethj) April 10, 2022
Megjithatë robo-taksia ndalon sërisht disa metra më tej dhe ndez sinjalin e rrezikut. Policia e ndjek makinën dhe mundohet të kuptojë se si mund të ndezin dritat e kësaj makine.
Në një deklaratë për shtyp një zëdhënës i Cruise, Aaron Mclear tregoi se makina autonome nuk kishte si qëllim largimin nga policia, por po përpiqej të gjente një vend më të sigurtë për të ndaluar. Pasi oficeri i policisë kontaktoi me personelin e Cruise, u arrit që dritat e makinës të rindizeshin.
Robo-taksitë Cruise janë të lejuara të lëvizin vetëm në oraret 22:00 – 06:00, dhe kjo gjë e bën të detyrueshëm përdorimin e dritave të makinës.
