Pronarja e një makine BMW i4 mbeti shumë e habitur kur pa një shenjë paralajmëruese në ekranin e makinës së tij elektrike ku thuhej se ai nuk mund të përditësonte sistemin operativ të makinës së saj pasi ajo ishte parkuar në një terren të pjerrët.
Kjo duket se është një masë parandaluese që ekipi i inxhinierëve në BMW kanë ndërmarrë për të siguruar se asnjë gjë nuk do të shkojë gabim. Versioni i ri do të mund të shkarkohet në makinën tuaj ndërkohë që është e parkuar në pjerrësi, por nuk do të instalohet deri në momentin që makina të parkohet në një terren të sheshtë.
In ‘sentences that would make your nan’s head explode’: I can’t update my car because I live on a hill pic.twitter.com/X0Jte5QYdG
— Clare Eliza (@clare_eliza) January 29, 2023
“Kjo makinë ka shumë sensorë të ndryshëm që e lejojnë atë të kuptojë mjaft mirë orientimin, prandaj makina e ka kuptuar se është parkuar në një terren të pjerrët.” tregoi një zëdhënës i BMW për The Drive. “Kjo është një masë parandaluese për rastin më të keq të mundshëm të paparashikuar, në mënyrë që të mos ndodhë asnjë aksident në rast se diçka shkon keq gjatë instalimit të versionit të ri.”
Mirëpo kjo nuk është e vetmja kërkesë që duhet të plotësohet para instalimit të versionit të ri. Makina duhet të ketë një nivel të caktuar baterie, transmisioni duhet të jetë i vendosur në opsionin e parkimit, si dhe motori (nëse makina ka një motor) duhet të jetë fikur.
