Për të reduktuar sasinë e gazeve që emëton çdo vit, Pepsi ka vendosur që të përdorë një flotë me 21 kamionë Tesla Semi për të kryer shpërndarjen e produkteve të tyre, si dhe përdorimin e fugonëve Ford eTransit apo makinave të tjera elektrike.
Kjo iniciativë disa vjeçare ka si qëllim nisjen e një epoke më miqësore ndaj mjedisit, dhe Pepsi ka menduar të veprojë në këtë mënyrë për t’iu përshtatur kërkesave logjistike në Kaliforni.
“Mjetet elektrike me bateri janë thelbësore për ne”, tha Amanda DeVoe, Drejtoresha e Transformimit dhe Strategjisë së Pepsi-t. Për DeVoe, çelësi qëndron në optimizimin e aftësive të automjeteve elektrike për kërkesat specifike të udhëtimit në distanca të shkurtra dhe të gjata, nga qendra e shpërndarjes së Pepsit në Sacramento deri në pikat e dorëzimit të saj. Nga flota me 21 Tesla Semis të stacionuara në objektin e Sacramento, tre janë të destinuara për rrugë “të dedikuara për distanca të gjata“, që variojnë nga 400 në 700 km.
Infrastruktura e Megacharger mundëson që Semis të arrijnë me shpejtësi një gjendje karikimi prej 95% brenda vetëm 20 deri në 30 minuta pas karikimit.
PepsiCo, e cila ka mbi 300,000 punonjës, ka vendosur synime për të reduktuar emetimet e gazrave (GHG) me më shumë se 40% në të gjithë zinxhirin e saj deri në vitin 2030. Kjo përfshin një reduktim prej 75% të emetimeve nga operacionet e saj të drejtpërdrejta dhe një reduktim prej 40% në emetimet indirekte nga zinxhiri i tij i vlerës. PepsiCo është gjithashtu e angazhuar për arritjen e emetimeve neto zero deri në vitin 2040.
