BMW ka prezantuar gjeneratën e saj të pestë të Mini Cooper dhe është Mini EV i parë që ka një dizajn unik që e dallon nga modelet e tjera me djegie të brendshme. Modeli i parë është Mini Cooper E, me një motor 135 kW/184 kuajfuqi dhe një përshpejtim nga zero në 100km/h në 7.3 sekonda. Ai krenohet me një autonomi shumë më të lartë, që shtrihet nga 230 km deri në 300 km.
Kjo distancë rritet deri në 400 km për versionin Mini SE dhe përfshin 160 kW/218 kuajfuqi dhe një përshpejtim nga 0 në 100km/h në 6.7 sekonda. Bateritë gjithashtu mund të karikohen nga 10% në 80% në më pak se gjysmë ore.
Nga jashtë, ky dizajn i ri përmban rrota më të mëdha, dorezat e dyerve të rrafshuara dhe heqjen e parafangove. Pjesa e brendshme është frymëzuar nga Mini origjinal i vitit 1959 që kishte një “grumbull instrumentesh të rrumbullakët” përpara dhe në qendër, me çelësa poshtë tij.
Përditësimi modern përmban një ekran OLED me rezolucion të lartë 9,5 inç që prezanton Mini Operative System 9 dhe ofron gjithçka, nga media te aplikacionet. Mini përmban gjithashtu “asistentin personal inteligjent” të parë të markës, në formën e një Mini ose Spike të animuar që shfaqet pikërisht në ekranin OLED. Sido që të jetë, ju mund të kontrolloni navigimin, argëtimin dhe më shumë përmes butonit për të folur ose thjesht duke thënë “Hej Mini“.
:format(webp)/cdn.vox-cdn.com/uploads/chorus_asset/file/24892726/P90519596_highRes.jpg)
Veçoritë shtesë në Mini të gjeneratës së pestë përfshijnë Parkin Asisstant Plus (me 12 sensorë dhe katër kamera) dhe modalitetin e gjelbër, i cili mund të zgjasë jetën e baterisë.
