Një SUV tërësisht elektrik 7 vendësh që rrit akoma më tepër standardet e kompanisë në sigurinë dhe stilin më të qëndrueshëm: Volvo e re EX90 përfaqëson nisjen e një epoke të re për kompaninë e cila ka nisur rrugëtimin e saj vendimtar drejt së ardhmes elektrike.
Duke nisur me Volvo EX90, kompania do të prezantojë një makinë të re elektrike çdo vit. Duke filluar nga viti 2030, Volvo ka si qëllim të shesë vetëm makina elektrike, një ndër qëllimet më ambicioze të elektrifikimit në industrinë e automjeteve dhe thelbësor në ambicien e tyre për t’u shndërruar në një kompani neutrale ndaj klimës në 2040.
Volvo zbuluoi SUV-in më të ri elektrik në Stockholm gjatë ditës së sotme, duke reflektuar rrënjët suedeze të kompanisë. Në të njejtën kohë, duke reflektuar prezencën globale, Volvo do të nisë prodhimin e EX90 në SHBA duke filluar nga viti i ardhshëm dhe më vonë në Kinë. Deri atëherë, kompania ka si qëllim që dy fabrikat e prodhimit të jenë neutrale ndaj klimës.
Volvo e re EX90 vjen me një dizajn klasik skandinav dhe karakterizohet nga parimi i formës që ndjek funksionin. Kjo është një makinë e gjithanëshme, familjare dhe plot stil me përmasa moderne dhe kombinohet me teknologjinë më të avancuar të llogaritjes, ndërlidhjes dhe elektrifikimit për të optimizuar sigurinë, efiçiencën dhe estetikën.
“Volvo EX90 është një deklaratë e asaj ku jemi dhe asaj ku ne po shkojmë,” tha CEO Jim Rowan. “Është një makinë tërësisht elektrike me një autonomi deri në 600 km në një karikim të vetëm, e dizenjuar për të rritur akoma dhe më tepër standardet e sigurisë, makina e parë Volvo e cila është e definuar nga software-i dhe është pjesë e një ekosistemi më të gjerë, duke u ndërlidhur me shtëpinë tuaj dhe pajisjet e tjera. Volvo EX90 është fillimi i diçkaje të re për Volvo Cars në shumë mënyra të ndryshme.”
Volvo EX90 ju mban të sigurt ju dhe personat tuaj më të dashur
Standardi i sigurisë në Volvo EX90 është më i lartë se në çdo makinë Volvo të prodhuar më parë. Është i dizenjuar për të kuptuar drejtuesin dhe objektet përreth makinës për të mbajtur të sigurt të gjithë personat brenda në makinë.
Sensorët më të mirë në industri së bashku me kamerat, radarët dhe LiDAR janë të lidhur me kompjuterat me performancë të lartë të makinës, ndërkohë që NVIDIA DRIVE drejton software-in e makinës për të krijuar një imazh 360 të saj.
Sensorët nuk lodhen dhe nuk shpërqëndrohen asnjëherë. Ato janë të dizenjuar për t’u futur në punë dhe të reagojnë dhe kur ju jeni qoftë dhe një fraksion me vonesë. Dhe në rast se ju zë gjumi ndërkohë që drejtoni apo keni një situatë shëndetësore, Volvo EX90 është dizenjuar për të ndaluar në një vend të sigurtë dhe të kërkojë ndihmë.
Teknologji me një qëllim
Sistemi qëndror – i fuqizuar nga platformat AI të NVIDIA DRIVE Xavier dhe Orin, Snapdragon Cockpit Platform nga Qualcomm Technologies dhe software-i i krijuar nga inxhinierët e Volvo – kryen të gjitha veprimet brenda makinës, që nga ato të sigurisë e deri tek sistemi infotainment dhe menaxhimin e baterisë. Rezultati përfundimtar është eksperienca shumë e pëlqyeshme brenda makinës.
Me pak fjalë, Volvo EX90 nuk do të jetë thjesht një makinë e re, por do të jetë një kompjuter shumë i avancuar në rrota. Njësoj si smartphone-t apo laptopët, Volvo EX90 është dizenjuar që të përmirësohet me kalimin e kohës, falë rifreskimeve over-the-air të software-it.
Mbështetja e një stili më të qëndrueshëm
Me bazën e re tërësisht elektrike të zhvilluar nga Volvo, EX90 është një shoqërues perfekt për një stil familjar akoma më të qëndrueshëm. Makina mund të karikohet nga 10 në 80 përqind në më pak se 30 minuta, dhe në një karikim të plotë ajo mund të lëvizë në distanca deri në 600km sipas testimeve WLTP.
Versioni i pranishëm më parë AWD me 2 motorë elektrik të fuqizuar nga bateria 111kWh dhe dy motorë magnetikë elektrikë sjellin në versionin performance 380kW (517 kuajfuqi).
Volvo EX90 përmban përafërsisht 15% çelik të ricikluar, 25% alumin të ricikluar si dhe 48kg plastikë të ricikluar dhe materiale biologjike, të cilat korrespondojnë me 15% të plastikës totale të përdorur në makinë – niveli më i lartë i arritur në një makinë Volvo. Makina është e aftë gjithashtu të karikojë në dy drejtime, duke u përdorur si një burim ekstra energjie.
