Pas shitjes së mbi 120,000 njësive në Europë, crossover-i tepër i suksesshëm i Kia, XCeed, është përmirësuar akoma më tepër në vitin 2022 duke përfshirë këtu një dizajn të ri, interior të përmirësuar dhe pamje të re GT-line që sjell emocionet e Ceed GT në modelin mjaft të njohur. Këto ndryshime do ta bëjnë XCeed dhe më tepër joshës në segmentin e makinave C-Crossover.
Si një ofrues i zgjidhjeve për qëndrueshmërinë e transportit, Kia prezanton XCeed me opsione të gjera efiçiente elektrike të gjenerimit të fuqisë. XCeed Plug-in Hybrid (PHEV) vjen me një autonomi elektrike prej 48km, ose 60km në rrugë qyteti, ndërkohë që motorët e tjerë efiçientë janë gjithashtu të disponueshëm, duke e bërë XCeed të përshtatshëm për të gjitha llojet e jetesës.
Sjoerd Knipping, Zëvëndës President i Marketingut dhe Produkteve në Kia Europe komentoi: “Klientët tanë e kanë vlerësuar kombinimin unik të XCeed në mënyrën e drejtimit, rehatinë në përdorimin e përditshëm dhe teknologjinë e përdorur, ky model i ri ndërtohet mbi këto fuqi duke ofruar një ndryshime moderne në interiorin dhe pamjen e jashtme të makinës së bashku me shërbimet e reja teknologjike. Si një alternativë sportive e modeleve të mëdha, XCeed është bërë modeli më i shitur në linjën e gjerë Kia Ceed.”
Dizajni i jashtëm
Elegant, shprehës dhe modern në dukjen e saj, Kia e re XCeed, ndër të preferuarat e Geek Room, ndërtohet mbi dizajnin ikonik të paraardhësve të saj. Kia e re XCeed vjen me drita të reja LED, me një rrjetë të riimagjinuar dhe dizajn inovativ për kalimin e ajrit.
Duke integruar dritat e mjegullës në dritat kryesore, dizenjuesit arritën të përfshijnë xhepa ajri në secilën pjesë të makinës, duke përmirësuar kështu efiçiencën e makinës. Lartësia nga toka e XCeed është 17.2cm në gomat 16” dhe 18.4cm në gomat 18”.
Prezantimi i ADN së GT-line në linjën XCeed
Me prezantimin e GT-line, Kia sjell një pamje sportive në XCeed, duke përzierë pamjen vizuale dhe eksperiencën e drejtimit dhe duke e çuar këtë model në një tjetër nivel. Një model që sipas Geek Room është shumë unik. Pamja është tepër e përshtatshme për personat që duan të balancojnë zemrën dhe trurin, duke zgjedhur një makinë familjare me hapësirë të madhe, në të njejtën kohë me një dizajn tepër unik dhe performancë të pabesueshme.
Dizajni i jashtëm është përshtatur për të qenë më sportive, duke përfshirë parakolp më të ulur, drita LED heksagonale dhe 12 ngjyra të ndryshme që do ta bëjnë XCeed ndryshe nga çdo makinë tjetër në treg.
Dizajni i brendshëm
XCeed vjen me materiale super ergonomike dhe me kualitet të lartë, duke ofruar një ambient të klasit të parë. Konsola qendrore është më tepër e drejtuar nga shoferi, për aksesibilitet më të lehtë, ndërkohë që pozicionimi brenda në makinë është i lartë, duke ju lejuar të shikoni mjaft qartë përreth.
Materialet e përdorura janë shumë të buta ndaj të prekurit dhe klientët mund të zgjedhin midis kamoshit, lëkurës sintetike në tapiceri ose lëkurën origjinale për sediljet.
Modelet MHEV dhe PHEV të dizenjuara për të gjithë përdoruesit
Kia e re XCeed është e fuqizuar nga motorët e rinj turbocharged benzene, të cilët përmbajnë teknologji mild-hybrid, ndërkohë që modelet e avancuara plug-in hybrid mundësojnë përfitimin nga lëvizshmëria e shtuar pa emëtime.
XCeed vjen me 3 opsione motorësh benzine, 1 litërsh, 1.5 litërsh dhe 1.6 litërsh. Modeli MHEV ndihmon në uljen eemëtimeve me 10%, duke përmirësuar efiçiencën e makinës. Nga ana tjetër PHEV vjen me një bateri 8.9kWh dhe një motor me 4 cilindra 1.6 litërsh, duke mundësuar lëvizjen deri në 60km me energji elektrike.
Teknologjia
XCeed shoqërohet nga një sistem navigimi 10.25 inç që ofron disa lidhje Bluetooth si standard, ku të pranishëm janë dhe Android Auto dhe CarPlay. Gjithashtu i pranishëm është ekrani 12.3 inç, dizajni i së cilës mund të lidhet me modalitetet e drejtimit të makinës, Eco, Normal dhe Sport.
Siguria
Kia xCeed përfshin shumë shërbime për asistimin aktiv të drejtuesve dhe teknologji për sigurinë që ofrojnë një qetësi të mendjes dhe mbrojtje. Smart Cruise Control është përmirësuar me shtimin e funksionin të lidhur me navigimin, së bashku me Navigation-assisted SCC.
Si çdo Kia e shitur në Evropë, XCeed i ri është pajisur me Vehicle Mobility Management, për përmirësimin e frenimit dhe stabilitetin e makinave në kthesa. Të përfshira do të jenë dhe Blind-spot Collision-Avoidance Assist (BCA) dhe Blind-spot Collision-Avoidance Warning system (BCW).
