Gjatë eventin IAA Mobility 2025, Geek Room pa jashtëzakonisht shumë modele të reja maknash, por një nga prezantimet më interesante ishte ai i GLC 2027 me “EQ Technology” nga Mercedez Benz. Ky është një variant elektrik i SUV-it më të shitur të markës, i ndërtuar mbi platformën e re MB.EA-M të dedikuar për EV. Ky model ruan emrin dhe pamjen e njohur të GLC, por ndahet teknikisht nga versioni me motor me djegie, duke reflektuar strategjinë e re të Mercedes për të afruar më shumë versionet elektrike dhe konvencionale.
Modeli i parë i prezantuar është GLC 400 4MATIC, me dy motorë elektrikë që ofrojnë 360 kW fuqi, përshpejtim 0-100 km/h në 4.3 sekonda dhe shpejtësi maksimale 210 km/h. Konsumi mesatar WLTP varion nga 14.9 deri 18.8 kWh/100 km.
Bateria prej 94 kWh neto siguron autonomi deri në 713 km sipas WLTP. Karikimi DC arrin kulmin 330 kW, duke lejuar 10-80% në vetëm 22 minuta. Gjithashtu, modeli është i përgatitur për karikim dykahësh.
Teknologjitë përfshijnë një pompë termike standarde, sistem frenimi “One Box” për rikuperim deri në 300 kW dhe 99% frenim elektrik në përdorim ditor. Falë platformës elektrike, hapësira e brendshme është më e madhe: gjatësi totale 4.85 m, bagazh 570-1740 litra plus një mini-bagazh para 128 litra. Kapaciteti i tërheqjes arrin 2.4 tonë, më i lartë se rivalët.
Kabina dominohet nga ekrani MBUX Hyperscreen 39.1 inç, i përhapur në të gjithë gjerësinë, me softuerin e ri dhe opsione të shumta personalizimi vizual.
GLC 400 4MATIC pritet të dalë në treg në gjysmën e parë të 2026. Krahasuar me rivalin BMW iX3 50 xDrive, Mercedes ofron më shumë hapësirë dhe kapacitet tërheqjeje, ndërsa BMW fiton avantazh në bateri më të madhe, shpejtësi karikimi më të lartë dhe autonomi më të gjatë.
