Bota e makinave po vuan ndalesa të pjesshme kudo ama prezantimi i ikonave të së ardhmes vazhdon të ndodhë.
Dhe Chevrolet Tahoe 2021 SUV i përmbush të gjitha kutitë. General Motors në një event ditën e djeshme prezantoi disa makina mes të cilave edhe ambiciet e saj drejt elektrifikimit të industrisë por ylli absolut ishte padyshim SUV e stilizuar për forcat e ligjit.
Tahoe 2021 do të ofrohet për Police Pursuit Vehicle dhe Special Service Vehicle duke filluar nga muajt e parë të vitit të ardhshëm.
SUV do të vijë me suspencion të pavarur i cili është më i ulët e më i fortë se modeli për konsumatorin. Frena të përparme Brembo me disqe 16-inch dhe goma të veçanta Firestone.
Vjen me të dyja versionet dy rrota aktive ose katër rrota aktive si dhe motorrin 5.3-litër V8 i përmirësuar me mbulesa rocker nga V8 me supercharger i Camaro ZL1 gjithashtu edhe një sistem ftohje të projektuar për kushte të vështira.
Sistemet elektrike dhe kabujt janë të projektuara për të akomoduar të gjitha dritat, kompiuterat dhe pajisjet që nevojiten për shërbimet e emergjencës.
SSV vjen standart me katër rrota aktive dhe ofron një pako tërheqje i cili përfshin transferim dy shpejtësish dhe një kapacitet tërheqjeje prej 3700 kg.
Çmimet e sakta të PPV dhe SSV nuk janë bërë të ditura ende por një Tahoe standart fillon tek $49,000 kur produksioni të rifillojë diku rreth 18 Majit.
