Startup-i i AI i Elon Musk, xAI, tashmë vlen rreth 50 miliardë dollarë – 6 miliardë dollarë më shumë se sa pagoi miliarderi për të blerë Twitter, platformën sociale të njohur tani si X.
Startup u tha investitorëve se kishte arritur të siguronte 5 miliardë dollarë në një raund financimi duke bërë kështu që vlera e kompanisë të dyfishohet nga pranvera. Vlerësimi i ri do të thotë se xAI ka tejkaluar 44 miliardë dollarët që Musk pagoi për Twitter në tetor 2022.
X është përballur me sfida financiare që kur Musk mori kontrollin e kompanisë në vitin 2022. Platforma ka parë një rënie të të ardhurave nga reklamat pasi disa marka të mëdha bojkotuan X dhe kompania ka luftuar për të rifituar reklamuesit.
Valor Equity Partners, Sequoia Capital dhe Andreessen Horowitz pritet të marrin pjesë në raundin e ri të financimit të xAI, thanë për The Journal njerëz të njohur me këtë çështje. Sipas raportit pritet të përfshihen edhe fondi i pasurisë sovrane të Katarit dhe Autoriteti i Investimeve të Katarit. xAI mblodhi më parë një dhumë prej $6 miliardë nga A16z dhe Sequoia Capital. Raundi i ri i investimit do të thotë se kompania e AI ka mbledhur gjithsej $11 miliardë këtë vit.
Musk themeloi xAI në 2023, pjesërisht për të shërbyer si një alternativë ndaj OpenAI, të cilën miliarderi e themeloi në 2015 së bashku me CEO aktual Sam Altman. Musk u nda nga OpenAI në vitin 2019 dhe ka qenë publikisht kritikues për largimin e kompanisë nga origjina e saj jofitimprurëse.
Ai e paditi kompaninë këtë vit, duke akuzuar OpenAI dhe Microsoft për krijimin e një monopoli të inteligjencës artificiale dhe angazhimin në praktika “të intensifikuara” anti-konkurruese.
