Nëse jeni një nga njerëzit që kërkon ndihmë nga miqtë dhe familja për jetën tuaj të dashurisë, Tinder synon t’i bëjë gjërat pak më të lehta duke i lënë ata të sugjerojnë partnerë të mundshëm për ju direkt brenda aplikacionit.
Shërbimi i ri Matchmaker i Tinder i lejon përdoruesit të ftojnë të afërmit e tyre, pavarësisht nëse kanë një profil Tinder apo jo, për të parë dhe rekomanduar përputhjet e mundshme, duke integruar në thelb një “test miqsh” në aplikacionin e takimeve. Tinder Matchmaker është në dispozicion tani në 15 vende, duke përfshirë SHBA, MB, Australi, Kanada, Francë dhe Gjermani, me një prezantim global që pritet “në muajt e ardhshëm“.
Përdoruesit mund të nisin një sesion Matchmaker drejtpërdrejt nga profili, ose brenda cilësimeve të aplikacionit – duke krijuar një link që mund të ndahet me deri në 15 miq ose anëtarë të familjes. Më pas, pjesëmarrësit (ose ‘bashkëpunuesit‘) kanë 24 orë për të rekomanduar profile përpara se të skadojë seanca. Megjithatë këto bashkëpunues nuk mund të bisedojnë ose të dërgojnë mesazhe drejt partnerëve të mundshëm në emër të përdoruesit që i ka ftuar.
:no_upscale():format(webp)/cdn.vox-cdn.com/uploads/chorus_asset/file/25024200/Tinder_Matchmaker_feature__1_.gif)
Pasi të përfundojë sesioni i Matchmaker, përdoruesi i Tinder mund të shqyrtojë më pas se cilët kandidatë të mundshëm për takime kanë sugjeruar të dashurit e tyre. Profilet e pëlqyera nga bashkëpunuesit do të shënohen si një “rekomandim“, por përdoruesi i Tinder që i ftoi ata ka ende fjalën e fundit se kë do të “pëlqejë” zyrtarisht në aplikacion.
Sipas një studimi të kryer nga Tinder, mbi 75% e beqarëve të rinj diskutojnë zakonet e tyre të jetës së dashurisë disa herë në muaj me miqtë e tyre, kështu që kjo thjesht e optimizon pak procesin.
