Instagram po zgjeron numrin e fotove dhe videove që mund të shtohen në një postim të vetëm në rrjet, siç bëhet me dije nga kompania përmes një publikimi të ri.
Çdo postim tani mund të përfshijë deri në 20 foto ose video. Më parë përdoruesit ishin të limituar me deri në 10 foto ose video për postim – diçka që në gjuhën e folur njihet si “photo dump”.
Shërbimi që ju lejon të shpërndani më shumë se 1 fotografi në postim erdhi për herë të parë tek përdoruesit në vitin 2017. Instagram ka shtuar ngadalë më shumë veçori në këtë shërbim, duke përfshirë aftësinë për të çiftuar këngët me secilën nga fotot tuaja si dhe postimet bashkëpunuese që lejojnë përdorues të shumtë të bëjnë një postim të përbashkët.
:format(webp)/cdn.vox-cdn.com/uploads/chorus_asset/file/25564547/Instagram_Longer_Carousels.png)
Rritja e këtij limit mund të jetë i dobishëm veçanërisht për postimet bashkëpunuese, veçanërisht nëse kemi disa njerëz që po krijojnë së bashku një postim. Sigurisht, për këtë ndryshim Instagram mund të jetë influencuar dhe nga TikTok, i cili aktualisht mbështet postimet me deri në 35 foto.
Megjithëse TikTok u krijua si një aplikacion për publikimin e videove të shkurtra, fotografitë janë tashmë një pjesë e rëndësishme me platformës: ka formate dhe tendenca meme që përdorin fotografi në vend të klipeve, për shembull, dhe disa përdorues tregojnë histori të gjata në copa të vogla, fotografi pas fotografie.
Është interesante që kjo nuk është pjesë e kulturës së Instagram – por ndoshta dyfishimi i hapësirës mund të krijojë stimuj për ta bërë këtë. Funksioni i ri ka nisur të përhapet në mbarë botën.
