Spotify do të ofrojë një kategori të re abonimi super-premium që synon entuziastët e muzikës dhe që do të kushtojë $6 shtesë në muaj mbi abonimin ekzistues, thanë tre persona të informuar për këtë çështje.
Spotify do të ofrojë këtë shërbim për $18 në muaj dhe do ta debutojë atë më vonë këtë vit, pasi ka nënshkruar marrëveshje të reja licencimi me Universal Music dhe Warner Music për të lejuar që këngët e tyre me të drejtë autori nga artistë si Kendrick Lamar dhe Taylor Swift të përfshihen në abonim. Abonimi i ri mund të mos vijë deri në vjeshtë, tha një person i njohur me diskutimet.
Opsioni “Music Pro”, do të ofrojë 3 veçori kryesore për të tërhequr fansat: audio me cilësi më të lartë; qasje e hershme në biletat e koncertit; dhe rritja e funksionalitetit të opsionit “DJ” për transmetim. Shërbimi i biletave të hershme është pjesë e një shtytjeje nga industria e muzikës për të përfituar nga “superfans” – dëgjuesit që blejnë rregullisht mallra dhe dynden në koncerte për yjet e tyre të preferuar.
Rivalët kryesorë të Spotify, Apple Music dhe Amazon Music, tashmë ofrojnë audio “lossless” me cilësi më të lartë si pjesë e planeve të tyre bazë të transmetimit të muzikës me pagesë. Spotify ka menduar rreth produktit të tij audio hi-def që nga viti 2021, por vetëm tani duket se do të ofrohet diçka e tillë.
Shefi ekzekutiv Daniel Ek në fillim të këtij muaji tregoi planet e tij për një nivel të ri abonimi gjatë një komunikimi. “Ne po kalojmë nga kjo madhësi e vetme në këtë nivel shumë më të specializuar, pasi baza e konsumatorëve po rritet në qindra miliona.” Si pjesë e marrëveshjeve të rënë dakord me Universal dhe Warner, Spotify do të shtojë gjithashtu më shumë video muzikore profesionale në platformën e saj, pasi duket se do të konkurrojë me YouTube, TikTok dhe të tjerët.
