Samsung Health është platforma shëndetësore e Samsung, e cila fuqizon shërbimet e gjurmimit të shëndetit në smartphone, në orat inteligjente dhe së shpejti dhe në Galaxy Ring.
Ambiciet e Samsung për Samsung Health shtrihen përtej gjurmimit dhe matjes së thjeshtë përmes pajisjeve të tij, dhe ne mendojmë se kompania po synon menaxhimin holistik të shëndetit. Nëse përdorni rregullisht Samsung Health, do të jeni të lumtur të mësoni për këto dy shërbime që pritet të vijnë së shpejti: skanimi i ilaçeve dhe ndërveprimin midis ilaçeve dhe alergjisë.
Në të ardhmen e afërt, përdoruesit do të jenë në gjendje të skanojnë ilaçet e tyre për të shtuar automatikisht të dhëna të caktuara si emri, forca (doza mg) dhe forma (tabletë, kapsulë) në Samsung Health. Samsung e prezantoi këtë shërbim për herë të parë në dhjetor 2023 për të ndihmuar përdoruesit të menaxhojnë shëndetin e tyre në mënyrë më gjithëpërfshirëse. Funksioni i ndihmon përdoruesit të gjurmojnë medikamentet e tyre me recetë dhe ato pa recetë dhe ofron këshilla rreth këtyre barnave.
Me futjen e emrave të medikamenteve të zgjedhura në Samsung Health, shërbimi “Medications” do t’u sigurojë përdoruesve informacion të detajuar, duke përfshirë përshkrime të përgjithshme dhe efekte anësore të mundshme. Në prezantimin e veçorisë, Samsung përmendi gjithashtu se gjurmimi i ilaçeve do të informonte përdoruesit për reaksionet e mundshme që mund të ndodhin nga ndërveprimet midis ilaçeve ose nëse merren së bashku me ushqime të caktuara si kafeina dhe alkooli.
Në të ardhmen, Samsung do të zgjerojë gjithashtu funksionin për të informuar përdoruesit për ndërveprimet midis alergjive dhe ilaçeve. Përdoruesit do të jenë në gjendje të shtojnë alergjitë e tyre në listë. Nëse përdoruesi përdor një medikament që mund të shkaktojë potencialisht një reaksion alergjik, përdoruesi do të informohet në një mënyrë të ngjashme me ndërveprimet ilaç me ilaç.
