Në një kohë ku puna merr pjesën më të madhe të kohës së një personi, organizimi i pushimeve si nga e kohës së lirë dhe nga ana financiare duket shumë i vështirë.
Duke patur këto vështirësi në mendje, Laurent Del Rey projektues produkti që së fundmi iu bashkua laboratorit “Superintelligence Lab” të Meta, ka prezantuar një projekt të quajtur Endless Summer, një aplikacion për iPhone që gjeneron foto pushimesh të krijuara nga AI, ku ti mund të shfaqesh në vende të ndryshme të botës — në plazh, në një qytet evropian, në darkë me miq apo në një shëtitje.
“Është për momentet kur ‘burnout’ të kap dhe ke nevojë të manifestosh jetën e butë që meriton,” shkroi Del Rey në platformën X. “Nëse nuk mund ta jetosh jetën, pse të mos e sajosh?”
made this little photobooth app called endless summer for when burnout hits and you need to manifest the soft life u deserve – with fake vacation pics of you :')
— saint laurent del rey (@laurentdelrey) October 6, 2025
first app 100% made by me! just released it on the app store try it out <33 pic.twitter.com/i55nRcE71V
Aplikacioni ka një ndërfaqe shumë të thjeshtë: një buton i vogël kamere që gjeneron foto “verore” me një klikim. Çdo imazh paraqet një version virtual të përdoruesit, i lumtur dhe i relaksuar, ndërsa pas skenës, modeli vizual Gemini Nano Banana është ai që realizon “magjinë”.
Del Rey thekson se aplikacioni nuk ruan selfiet, përveç rasteve kur aktivizohet funksioni i gjenerimit automatik. Përdoruesit mund të fshijnë llogarinë me vetëm dy prekje.
Shërbimi nuk është falas: pas gjashtë fotove të para, kërkohet pagesë — $3.99 për 30 foto, $17.99 për 150 ose $34.99 për 300. Ekziston edhe opsioni “Room Service”, që dërgon dy imazhe të reja çdo mëngjes.
Së fundmi, Endless Summer ofron edhe foto Halloween-i, me kostume të ndryshme, të krijuara në të njëjtin stil vintage që i jep aplikacionit një ndjesi nostalgjie. Ironikisht, pikërisht AI po sjell sot iluzionin e një jete më të thjeshtë dhe njerëzore.
