Të premten, njerëzit në internet vunë re një shërbim të ri në Instagram-in e tyre: Meta AI, chatbot i kompanisë për qëllime të përgjithshme dhe me AI që mund t’u përgjigjet pyetjeve, të shkruajë poezi dhe të gjenerojë imazhe me një prompt të thjeshtë në tekst.
Lëvizja nuk është befasuese. Meta prezantoi Meta AI në shtator 2023 dhe ka shpenzuar muajt e fundit duke integruar chatbot-in në produkte si Facebook Messenger dhe WhatsApp, kështu që shtimi i tij në Instagram duket si një gjë tepër normale.
“Përvojat tona gjeneruese të fuqizuara nga AI janë në zhvillim e sipër në faza të ndryshme dhe ne po testojmë një sërë prej tyre publikisht në një kapacitet të kufizuar”, tha një zëdhënës i Meta, gjë që sugjeron se jo të gjithë e kanë ende funksionin në dispozicion.
Fillimisht se Meta AI po shfaqej në shiritin e kërkimit të Instagram. Por për disa persona të tjerë funksioni në fakt u shfaq në shiritin e kërkimit në DM tëInstagram.
Duke shtypur mbi të, ju mund të filloni një bisedë me Meta AI, thjesht do t’i dërgoja DM një miku në Instagram. Ju mund t’i kërkoni chatbot-it të sqarojë disa përkufizime fjalësh, të sugjerojë tituj për disa histori dhe të gjenerojë imazhe qensh në skateboard.
Gjithashtu mund t’i kërkoni Meta AI të rekomandojë Reels me mace në to, gjë që kryhet fare lehtësisht nga chatbot-i. E njëjta kërkesë mund të bëhet dhe nga chabot-i i integruar në WhatsApp, dhe Meta AI do të rekomandojë të njëjtat Reels, duke treguar se Meta AI vepron në të njejtën mënyrë pavarësisht aplikacionit ku është integruar.
Nëse hapni menunë brenda chatbot, Meta AI do t’ju tregojë gjithashtu një listë të gjatë të veprimeve të mundshme që mund t’i kërkoni të kryejë.
