Meta po eksperimenton vazhdimisht me shërbime për të rritur angazhimin në Threads, i cili ka rënë pas nxitimit fillestar dhe numrit të madh të instalimeve. Në testin e fundit, kompania po tregon një karusel me postime të sugjeruara të Threads në aplikacionin Instagram. Siç është vënë në dukje nga shumë përdorues në mbarë botën, Instagram tani po shfaq disa postime “For you on Threads” shoqëruar me një buton për të hapur aplikacionin direkt në telefonin tuaj.
Meta e konfirmoi këtë test nëpërmjet një komenti: “Ne kemi shtuar një sërë veçorish të reja në aplikacion që nga fillimi dhe tani po e bëjmë më të lehtë për njerëzit që të shohin përmbajtjen më të fundit nga Threads direkt në Instagram”, tha një zëdhënës i kompanisë. Në fillim të këtij muaji, Meta shtoi një buton “Send to Instagram DM” në Threads për të ndarë drejtpërdrejt postimet me miqtë tuaj në Instagram.
Javën e kaluar, Meta prezantoi zyrtarisht Threads në web me shërbime si aftësia për të cituar postime, të cilat nuk janë të shumëta në numër. Ky ishte një lançim i shumëpritur për të inkurajuar krijuesit që të jenë më aktivë nga desktopi i tyre. Të dhënat nga kompania analitike Similarweb sugjerojnë se deri më tani, kjo lëvizje nuk ka sjellë shumë përdorues të rinj në platformë.
Pas lançimit, rritja e numrit të përdoruesve javë pas jave në SHBA (+133,400) ishin më të mëdha se rënia e përdoruesve aktivë të aplikacioneve (-82,400), por kjo mund të jetë rezultat i kalimit të përdoruesve ekzistues nga celulari në desktop.
Siç raportoi Reuters në fillim të muajit, në një mbledhje të brendshme të kompanisë, shefi i produktit Chris Cox tha se për të luftuar rënien e numrave në Threads, kompania do të shtonte “shërbime për të tërhequr vëmendjen” të tilla si “të sigurohet që njerëzit që janë në Instagram mund të shikojnë temat e rëndësishme në Threads.” Karuseli i ri me postime në Instagram duket se është pjesë e këtij plani.
