iOS 14 duket se ka në plan t’i nxjerrë të gjithë zbuluar, sa herë që sistemi operativ ndjen ndonjë lloj sjellje të dyshimtë, një lajmërim do të të njoftojë për aktivitetin.
Shumë përdorues kanë raportuar se ndërsa bënin thjesht scroll në Instagram, një lajmërim jeshil njoftonte se kamera ishte ndezur, çka ngre dyshime se mos ndoshta aplikacioni po regjistron pa dijeninë e tyre.
Casually browsing Instagram when suddenly the new iOS 14 camera/microphone indicator comes on. Then control panel ratted out the app behind it. This is going to change things. #iOS14 pic.twitter.com/EnTIRsqq3R
— KevDoy (@KevDoy) July 17, 2020
Instagram ka reaguar menjëherë duke thënë se bëhet fjalë për një bug të cilin po punojnë për ta rregulluar.
“Ne kemi akses në kamerën tuaj vetëm kur na e kërkoni, për shembullkur kaloni nga Feed tek Camera. Kemi gjetur dhe po rregullojmë një bug në iOS 14 Beta i cili gabimisht tregon se njerzit po përdorin kamerën ndërsa nuk janë duke e bërë. Ne nuk kemi akses në atë moment dhe nuk regjistrojmë asgjë.”
A duhet besuar? Nëse dyshimet janë të vërteta skandali është i madh sepse natyrshëm lind pyetja po përpara iOS 14?
Nuk përjashtohet fakti që sistemi operativ është ende në fazë beta pra gabimet janë më se të zakonshme, por sidoqoftë kjo praktikë agresive e Apple mund të themi që përdoruesit i jep vetëm benefite. Ne kemi më shumë informacion për privatsinë dhe platformat e mëdha e rimendojnë dy herë përpara se të guxojnë të abuzojnë.
Kjo nuk është hera e parë që iOS 14 nxjerr zbuluar aplikacione flagrante, kujtojmë këtu rastin kur TikTok u kap duke kopjuar nga clipboardi i përdoruesve të vetë edhe kur ata nuk ishin në aplikacion. E njëjta gjë ka ndodhur edhe me LinkedIn dhe Reddit. Kompanitë kanë qenë të shpejta për të reaguar, tek e fundit më mirë syri sesa nami.
