Tani për tani, nëse kërkoni “Israel Kamakawiwoʻole” në Google, nuk do të shihni një nga kopertinat e famshme të albumit të këngëtarit, ose një imazh të tij duke performuar një nga këngët në ukulelen e tij ikonike. Ajo që shihni së pari është një imazh i një burri të ulur në një plazh me një buzëqeshje në fytyrë – por jo foton e vetë burrit të shkrepur nga një aparat fotografik.
Kjo është foto e rreme e krijuar nga AI. Në fakt, kur klikoni mbi imazhin, ju çon në subreddit të Midjourney, ku u postuan fillimisht seritë e imazheve. Për herë të parë kjo u publikua nga Ethan Mollick në X (i njohur më parë si Twitter), një profesor në Wharton i cili po studion AI. Duke parë foton nga afër, nuk është e vështirë të shohësh të gjitha gjurmët e AI të mbetura në të. Efekti i rremë i thellësisë së imazhit aplikohet në mënyrë të pabarabartë, tekstura në këmishën e tij është e ngatërruar dhe sigurisht, atij i mungon një gisht në dorën e majtë. Por asnjë nga këto nuk është befasuese. Dhe pse gjenerimi i imazheve është përmirësuar shumë gjatë kohëve të fundit, ato janë ende shumë të lehta për t’u dalluar kur i shikoni nga afër.
Problemi i vërtetë qëndron në faktin se këto imazhe po shfaqen si rezultati i parë për një figurë të famshme, pa asnjë shenjë dalluese se ajo është krijuar nga AI. Google nuk e ka garantuar kurrë vërtetësinë e rezultateve të kërkimit të imazheve, por ky ndryshim na bën të dyshojmë shumë mbi aftësitë e kërkimit të imazheve.
Duhet me patjetër që në të ardhmen e afërt të gjitha imazhet e krijuara nga AI të kenë një shenjë dalluese në mënyrë që diferenca mes fotove reale dhe atyre të krijuara nga AI të jetë e qartë.
