Google ka prezantuar 3 shërbime të reja në Chrome të krijuara për t’i bërë sugjerimet më të dobishme.
Google po përmirëson kërkimin e tij të imazheve dhe i lejon përdoruesit të aksesojnë sugjerimet pavarësisht se kanë një lidhje të dobët. Kur kërkoni në Chrome, “Kërko me Google” do të shfaqë sugjerime mbi ato që njerëzit e tjerë po kërkojnë bazuar në pyetjet tuaja të mëparshme. Pra, nëse po kërkoni për Dune: Part Two, mund të shihni gjithashtu se njerëzit po kërkojnë nëse Dune do të ketë dy apo tre filma, nëse është një film i mirë dhe më e rëndësishmja, nëse Jason Momoa do të marrë pjesë.
Google po shton gjithashtu më shumë sugjerime në imazheve që lidhen me pyetjen tuaj origjinale. Më parë, siç thotë postimi në blog, sugjerimet e imazheve do të shfaqeshin nëse kishit në mendje një produkt specifik. Por tani, Chrome do të grumbullojë “imazhe të dobishme për kategori dhe produkte më të gjera blerjesh bazuar në një kërkim më të thjeshtë“, thuhet në njoftim.
E fundit, por jo më pak e rëndësishme, Chrome po vjen në shpëtim edhe kur keni një lidhje të dobët në internet. Google ka përmirësuar aftësitë brenda pajisjeve për t’ju dhënë sugjerime kërkimi dhe kur lidhja juaj nuk është e mirë. Kjo do të thotë gjithashtu më shumë sugjerime kërkimi kur jeni në “incognito mode”.
Funksionaliteti i zgjeruar i kërkimit të imazheve dhe lidhja e përmirësuar janë të disponueshme vetëm përmes Android dhe iOS – jo desktop. Megjithatë Google ka ende disa shërbime më të rëndësishme për të ofruar, si përshembull organizimi i tabs nëpërmjet AI. Testime të tilla nuk kanë arritur ende në versionin zyrtar të aplikacionit, megjithatë pritet të vijë në muajt në vijim.
