Samsung Electronics ka lajmëruar se do të bashkëpunojë me Tesla për të integruar shërbimet në produktet e Tesla, dhe kjo ndërlidhje do të shfaqet për herë të parë në CES 2024.
Falë këtij bashkëpunimi, SmartThings Energy do të ndërlidhet me produktet e Tesla-s si bateritë e shtëpisë Powerwall, Solar Inverter, Wall Connector dhe automjetet elektrike(EV). I mundësuar përmes API 1 të hapur të Tesla, ky bashkëpunim do të rezultojë në zgjerimin e mëtejshëm gjithëpërfshirës të lidhjes së SmartThings Energy dhe do të kontribuojë në qëllimin përfundimtar të Samsung për të mundësuar përvoja më të përshtatshme dhe pa probleme në shtëpi për konsumatorët.
“Klientët e Tesla Energy tani mund të menaxhojnë dhe monitorojnë statusin e energjisë së shtëpive të tyre përmes SmartThings Energy dhe Samsung dhe jashtë aplikacionit Tesla, duke siguruar më shumë akses dhe lidhje,” tha Chanwoo Park, Shefi i IoT Development Team of Device Platform në Samsung Electronics. “Ky bashkëpunim i ri është një moment historik për Samsung Electronics në bërjen e zgjidhjes sonë më gjerësisht të disponueshme përtej pajisjeve shtëpiake.”
Përfitimi kryesor i konsumatorit nga bashkëpunimi i Samsung me Tesla-n lejon SmartThings Energy të lidhet me Tesla Powerwall, Solar Inverter, Wall Connector dhe EV-të, duke lejuar SmartThings Energy të shfaqë informacione në lidhje me prodhimin, ruajtjen dhe përdorimin e energjisë nga përdoruesit.
Përveç kësaj, konsumatorët do të jenë në gjendje të përgatiten më mirë për ndërprerjet e energjisë përmes aftësisë së SmartThings Energy për t’u sinkronizuar me funksionin “Storm Watch” të Powerwall të aplikacionit Tesla. Kjo do të thotë që në rastin e ngjarjeve ekstreme të motit si reshjet e dendura të borës, përdoruesit mund të lajmërohen përmes SmartThings në televizorët dhe celularët e tyre Samsung të lidhur.
Për më tepër, ata mund të aktivizojnë AI Energy Mode para dhe gjatë ndërprerjeve të energjisë për të zgjatur energjinë rezervë të mbetur të ruajtur në Tesla Powerwall. Përdorimi i Tesla API nga Samsung është pjesë e përpjekjes së tij të vazhdueshme drejt arritjes së përparimit thelbësor në projektin Net Zero Home dhe përmirësimit të përvojës me shumë pajisje të përdoruesve të SmartThings.
