Apple shpalli 17 fituesit e App Store Awards 2024, duke vazhduar traditën vjetore të vlerësimit të aplikacioneve më të mira në pajisjet e ndyshme të kompanisë. Shumica e aplikacioneve janë specifike për pajisjen, duke përfshirë dy kategori të reja për Apple Vision Pro, ndërsa të tjerët vlerësojnë ato aplikacione që kanë patur një ndikim të madh përgjatë këtij viti.
Aplikacioni më i mirë për iPhone në vitin 2024 është Kino, i cili ofron një qasje profesionale për regjistrimin e videove. Ky aplikacion me pagesë ofron disa presets për të përmirësuar cilësinë e videove tuaja, si dhe për t’ju dhënë më tepër kontroll në cilësimet e kameras së iPhone-it tuaj.
Nga ana tjetër, aplikacioni më i mirë në iPad, Moises fuqizon muzikantët që të përmirësojnë profesionin e tyre me mjete të fuqishme AI. Lightroom shkëlqen në Mac me aftësitë e tij transformuese të redaktimit të fotografive, dhe për këtë arsye u vlerësua si aplikacioni më i mirë për Mac.
Lumy në Apple Watch ndihmon përdoruesit të vlerësojnë magjinë e diellit çdo ditë, ndërsa F1 TV sjell përvoja gjithëpërfshirëse të shikimit të garave për fansat në shtëpi nëpërmjet Apple TV.
Në kategorinë e lojërave, “AFK Journey” u ofron lojtarëve në iPhone aventura të mbushura me aksione, taktika dhe histori të pasura. “Squad Busters” në iPad kombinon konkurrencën me argëtimin e këndshëm përmes lojës emocionuese me shumë lojtarë.
Loja më e mirë në Mac, “Thank Goodnes You’re Here!” sjell të qeshura pa pushim me skeçe argëtuese. Dhe në Apple Arcade, Balatro+ rishpik rregullat e lojërave me letra me çdo raund të ri.
Fituesit inaugurues të këtij viti të kategorisë Apple Vision Pro i kaluan kufijtë e llogaritjes hapësinore me përvoja zhytëse dhe kontrolle intuitive. “What if…? An Immersive Story” mirëpret përdoruesit në një botë me mundësi të pafundme në Universin Marvel, ndërsa pamjet dhe tingujt e THRASHER: Arcade Odyssey i transportojnë lojtarët në botë shumëngjyrëshe dhe kozmike.
Më poshtë do të listojmë të gjithë fituesit e App Store Awards:
- iPhone App of the Year: Kino
- iPad App of the Year: Moises
- Mac App of the Year: Adobe Lightroom
- Apple Vision Pro App of the Year: What If…? An Immersive Story
- Apple Watch App of the Year: Lumy
- Apple TV App of the Year: F1 TV
- iPhone Game of the Year: AFK Journey
- iPad Game of the Year: Squad Busters
- Mac Game of the Year: Thank Goodness You’re Here!
- Apple Vision Pro Game of the Year: THRASHER: Arcade Odyssey
- Apple Arcade Game of the Year: Balatro+
- Cultural Impact Winner: Oko
- Cultural Impact Winner: EF Hello
- Cultural Impact Winner: DailyArt
- Cultural Impact Winner: NYT Games
- Cultural Impact Winner: The Wreck
- Cultural Impact Winner: Do You Really Want to Know? 2
