Një API e përditësuar e disponueshme për zhvilluesit e aplikacioneve Android mund t’i detyrojë përdoruesit të shkarkojnë aplikacionin nga Google Play, duke bllokuar funksionimin e aplikacionit nëse instalohet nga burime të tjera jashtë dyqanit të Google.
I prezantuar për herë të parë në Google I/O 2024, “Play Integrity API” u jep zhvilluesve shërbime të reja për të përmirësuar sigurinë e aplikacioneve Android. API gjithashtu mund të bllokojë në mënyrë efektive “sideloading”, pra instalimin nga burime të tjera jashtë dyqanit të Google.
Një nga aftësitë e reja të Play Integrity është të kontrollojë nëse një aplikacion është i “licencuar” apo jo, duke iu referuar nëse është instaluar nga Google Play Store apo jo. Ky funksion opsional mund të bllokojë ekzekutimin e një aplikacioni nëse ai është instaluar në një mënyrë që ishte “e pa licencuar“, domethënë përmes instalimit nga një burim i palës së tretë.
Nëse një aplikacion konsiderohet si “i pa licencuar”, zhvilluesit kanë më tej opsionin që të shfaqet një tabelë e pakalueshëm që i nxit përdoruesit të ri-shkarkojnë aplikacionin nëpërmjet “Google Play Store” nëse dëshirojnë të vazhdojnë ta përdorin atë me një buton “Install from Play“.
Kur përdoruesit zgjedhin ta bëjnë këtë, versioni i mëparshëm që ishte i pa licencuar do të eliminohet nga pajisja. Disa aplikacione që tashmë po e bëjnë këtë përfshijnë Tesco dhe BeyBlade X, dhe ndoshta më së shumti ChatGPT.
