Opera tregoi ditën e hënë se kishte aktivizuar një shërbim të ri për të gjithë përdoruesit, i cili do të bënte të mundur hapjen e adresave specifike vetëm nëpërmjet përdorimit të emoji-ve, duke sjellë një nivel të ri kreativiteti në internet.
“Ju nuk keni më nevojë të shtypni ‘www’ ose ‘.com’ për të aksesuar këto adresa, pasi mund t’i aksesoni duke futur një grup mini-ikonash.” u shpreh Opera. Ky shërbim u shtua në bashkëpunim me Yat, një kompani që shet URL të bazuara në emoji në të njejtën mënyrë si Domain.com funksionon me domain-et tradicionale.
Këto vargje unike emoji-sh do të quhen Yats dhe pronarët e tyre mund t’i ruajnë ato si nëj NFT në etherum blockchain dhe t’i shesin, ose t’i mbajnë si një animim i shkurtër të vargur në OpenSea. Yats do të përdorin 1 deri në 5 karaktere të ndryshme dhe mund të shiten nga e gjithë bota duke filluar nga disa dollarë e deri në disa qindra mijëra. Yat më i shtrenjtë deri më tani ishte një Yat me një karakter, atë të një çelësi të artë, i cili u shit për $425,000 gjatë vitit të kaluar.
Shumë persona të famshëm si Kesha, Steve Aoki dhe Lil Wayne kanë blerë Yats për website-t e tyre.
“Kanë kaluar më tepër se 30 vite që nga krijimi i world wide web dhe nuk ka patur ndonjëherë inovacione në hapësirën e link-ut, njerëzit shtojnë akoma .com në fund të URL-ve të tyre.” tha Jorgen Arnesen, zëvëndës president në Opera.
Me integrimin e Yat, Opera bëhet browser-i i parë që lehtëson vizitimin e website-it të bazuar në Yat duke eleminuar nevojën për të shkruar prefiksin “y.at”.
