Prej shumë vitesh, një ndër arsyet kryesore se përse njerëzit blinin një Google Pixel ishte mbështetja e gjatë me updates që Google ofronte. Aktualisht, smartphone-t e rinj Pixel kanë të garantuar 5 vite security updates me 3 versione të reja Android.
Megjithatë, sipas disa raportimesh të reja bëhet e ditur se Samsung mund të tejkalojë Google në këtë drejtim. Seria e re që pritet të prezantohet shumë shpejt, Galaxy S22 besohet se do të ketë të garantuar 5 vite security updates të shoqëruar nga 4 versione të reja Android.
CONFIRMED!
Galaxy S21, S22
Galaxy S21 FE
Galaxy Z Fold3, Z Flip3
Galaxy Tab S7, Tab S8Will ALL get 4 major android updates AND 5 years of security updates!!!#unpacked #GalaxyS22Series #galaxytabs8 pic.twitter.com/0xsVcRLTTF
— BDTech (@TechByBD) February 7, 2022
Pra, nëse ky raportim është i vërtetë, seria Galaxy S22 do të lançohet me Android 12 dhe do të update-ohet deri në Android 16 (nëse emërtimi do të mbetet i njejtë). Gjithashtu pas instalimit të Android 16, ju do të keni dhe një vit tjetër me security update-s të garantuara, duke bërë që smartphone-i juaj të jetë i sigurt për një periudhë 5-vjeçare.
Pa asnjë dyshim, ky do të ishte një lajm i cili do të “shkundte” industrinë e smartphone-ve Android, pasi dhe prodhuesit e tjerë do “të detyrohen” të rrisin periudhën e suportit për pajisjet e tyre. Me kalimin e kohës kompanitë e smartphone-ve Android do të arrijnë të ofrojnë të njejtën mbështetje që Apple ofron prej vitesh, me 5 vite rifresikime të sigurisë dhe sistemit operativ.
Galaxy S22 do të lançohet në datën 9 shkurt, pra ne nuk do të na duhet të presim shumë për të konfirmuar këtë raportim.
