Caviar është një kompani luksoze ruse e famshme, e cila pothuajse çdo vit publikon disa versione smartphone-sh të veshur me zbukurime të shtrenjta. Këtë vit, Caviar ka publikuar versionet Beijing 2022 të iPhone 13 Pro dhe 13 Pro Max, të cilat përkasin me eventin e Lojrave Olimpike Dimërore që po zhvillohen në Pekin.
Në pjesën e pasme të smartphone-ve janë të vendosura disa motive që përfaqësojnë Lojrat Olimpike Dimërore me unazat olimpike të krijuara nga ari 18 dhe 24 karat.
Olympic Hero Gold Avatar
Ky model shfaqet në iPhone 13 Pro dhe 13 Pro Max me elementë të përbërë të kuq në pjesën e pasme. Unazat Olimpke, imazhi i malit Xiaohaituo dhe National Ski Center janë të krijuara nga ari i pastër 18 karat. Trupi i këtyre pajisjeve është rezistent ndaj rënieve, dhe në total janë krijuar vetëm 8 pajisje të tilla.
Olympic Hero Avatar
Trupi me elementë të përzier të kuq është dekoruar me simbolin e Lojrave Olimpike, kësaj here me një aliazh bizhuterish të lara me ar 24 karat. Për të krijuar pamjet e malit Xiahaituo dhe National Ski Center janë përdorur të njejtat materiale, dhe vijat e lëna nga skitë në mal janë të krijuara nga ari 18 karat. Numri i këtyre pajisjeve do të jetë i limituar në vetëm 109, që i përshtatet numrit të medaljeve që do të fitohen në këto Lojra Olimpike.
iPhone 13 Pro Olympic Hero Gold Avatar 128GB – $26,000
iPhone 13 Pro Max Olympic Hero Gold Avatar 128GB – $26,540
iPhone 13 Pro Olympic Hero Avatar 128GB – $6,450
iPhone 13 Pro Max Olympic Hero Avatar 128GB – $6,980
