Indonezia po kërkon të ndërrojë kryeqytetin e saj për shkak të problemeve të mëdha që gjenden në Xhakartë, si përshembull ndotja shumë e madhe, popullsia e dendur, shpeshtësia e tërmeteve dhe se qyteti po “zhytet” shumë shpejt.
Qëllimi i këtij shteti është të krijojë një kryeqytet më të qëndrueshëm, më të pastër dhe që rigjenerohet shpejt. “Ndërtimi i një kryeqyteti të ri nuk është thjesht një lëvizje fizike e zyrave të qeverisë.” tha presidenti Joko Widodo në parlament. “Qëllimi kryesor është të krijojmë një qytet të ri të zgjuar, që është kompetitiv në nivel global, të krijojmë një lokomotivë të re për transformimin e Indonezisë bazuar në inovacionin dhe teknologjinë.”
Koncepti për krijimin e këtij qyteti nuk është tërësisht i ri. Ai u prezantua si një ide në 2019, ku planifikohej ngritja e një qyteti të quajtur Nusantara. Nusantara do të krijohej 2,000 km në verilindje të Xhakartas. Për të populluar këtë qytet dhe për të siguruar mbarëvajtjen e tij, do të zhvendoseshin 1.5 milionë civilë.
Megjithatë jo të gjithë personat janë dakord me planin e Widodo. Grumbullimet e aktivistëve mjedisorë tregojnë se kjo lëvizje do të trembë orangutanët, leopardët dhe kafshët e tjera që jetojnë në këtë vend. Gjithashtu fakti se ndërtimi i këtij qyteti do të kërkojë $34 miliardë nuk e ndihmon këtë lëvizje.
“Me këtë plan vijnë rreziqe për sistemet e ujit, ndryshime klimatike, për florën dhe faunën dhe dëmtime ambientale.” tha Dwi Sawung, zyrtar i grupit mjedisor WALHI.
