Komiteti olimpik dhe paraolimpik i SHBA ka këshilluar atletët që të mos përdorin smartphone-t e tyre gjatë Lojrave Olimpike Dimërore në Kinë, por të përdorin një smartphone të dytë, sipas raportimit nga Wall Street Journal.
Kjo këshillë është dërguar dy herë gjatë vitit të kaluar drejt atletëve për t’i lajmëruar ata se pajisjet e tyre mund të survejohen në Kinë. “Çdo pajisje, komunikimet, transaksionet dhe aktiviteti online mund të monitorohet. Pajisjet tuaja mund të komprementohen me malëare që mund të ndikojnë negativisht në përdorimin në të ardhmen.” lexohet në deklaratë.
Gjithashtu dhe shtete të tjera si Britania, Kanadaja dhe Holanda kanë këshilluar atletët e tyre në lidhje me këtë problem. Sigurisht, kjo këshillë nuk vjen pa asnjë arsye. Në vitin 2019 Kina u kap duke instaluar në mënyrë sekrete një software për spiunimin e smartphone-ve të turistëve që u futën në Xinjang. Kjo zonë shumë e survejuar është e populluar nga Ujgurët, një minoritet mysliman të cilët po burgosen dhe torturohen në Kinë në mënyrë të padrejtë.
Në aplikacionin My2022 Olympic, i cili duhet të jetë i instaluar në të gjithë smartphone-t e pjesëmarrësve në këto Lojra Olimpike, u zbuluan shumë gropa në siguri që mund të çojnë në survejimin apo dhe hakimin e pajisjes.
