Ditën e enjte, një kompani e cila po merret me filmin më të ri të Tom Cruise në hapësirë, tregon se ka në plan të lançojë studion e parë për filma dhe një arenë sportive drejt International Space Station në vitin 2024.
Kompania e quajtur Space Entertainment Enterprise (S.E.E.) do të bashkëpunojë me Axiom Space, e cila ka partneritetin e saj me NASA në lidhjen e një stacioni hapësinor eksperimental në ISS. Ky stacion hapësinor do të quhet Axiom Station, ndërsa moduli që do të lidhet në këtë stacion do të jetë Axiom Hub 1. Më pas Axiom Station do të ndahet nga ISS në 2028 dhe do të funksionojë më vete.
Por ndërkohë që ky stacion hapësinor do të jetë ende i lidhur me ISS, S.E.E. planifikon të lidhë modulin e saj në të. Moduli i quajtur SEE-1 do të jetë i aksesueshëm nga të gjithë personat që dëshirojnë të xhirojnë një film apo të transmetojnë live nga hapësira, duke përfshirë këtu filmat, TV, muzikë dhe evente sportive (sipas deklaratës për shtyp të dhënë nga kompania).
S.E.E. është themeluar nga dy producentët Elena dhe Dmitry Lesnevsky. Aktualisht ato po kërkojnë për investitorë në projektin e Tom Cruise në hapësirë, i cili pritet të ketë një buxhet prej $200 milionë.
