Kriptomonedhat e rritën shumë vlerën e tyre gjatë 2 viteve të fundit, dhe shqiptarët ishin të gatshëm për të investuar në këtë drejtim, dhe pse ligjet e mirëfillta për kriptomonedhat hynë në fuqi vetëm në fund të vitit që lamë pas.
Chainanalysis është një platformë për kriptomonedha e cila ka realizuar një raport ku tregon se cilët janë vendet që merren më së shumti me tregtinë e tyre. Vietnami gjendet në vendin e parë për sa i përket zhvillimit të kryer në drejtim të kësaj industrie, ndërkohë që Shqipëria zë vendin e 94 në rangun botëror.
Për sa i përket vendeve të rajonit, Shqipëria renditet në vendin e dytë pas Greqisë, e cila renditet në vendin e 91 në listën globale, duke lënë pas Maqedoninë e Veriut, Bosnje-Hercogovinën, Malin e Zi dhe Hungarinë. Interesi kryesor i shqiptarëve është përqëndruar në monedhën virtuale Ethereum, e cila zotërohet nga 50% e personave të interesuar në kriptomonedha, ndërsa 10% zotërojnë Bitcoin.
Shqipëria ishte një ndër vendet e para të rajonit që miratoi ligjet për prodhimin e kriptomonedhave, dje kjo gjë ka ndikuar në zhvillimin e kësaj industrie në vend. Në këtë raportim tregohet gjithashtu se Shqipëria zotëron rreth 15 miliardë dollarë në kriptomonedha.
