Spanja ka filluar të bëjë thirrje për trajtimin e COVID-19 si një sëmundje endemike, njësoj si gripi, duke u bërë kështu shteti i parë i rëndësishëm evropian që sugjeron se njerëzit duhet të jetojnë me këtë sëmundje.
Kjo ide po tërheq vazhdimisht gjithnjë e më shumë mbështetës dhe mund të çojë në ristrukturimin e strategjive të ndjekura nga qeveritë për përballjen me virusin. Sekretarja Nadhim Zahawi tha ditën e dielë për BBC se Mbretëria e Bashkuar është në rrugën drejt tranzicionit nga pandemia në endemi.
Ulja e rasteve të hospitalizimit dhe vdekjeve me variantin omicron pavarësisht rasteve të shumëta të infektimit ka bërë që kryeministri i Spanjës, Pedro Sanchez të sugjerojë trajtimin e COVID-19 si një sëmundje endemike, për të hequr kufizimet e pandemisë dhe për të rikthyer normalitetin në jetët tona.
“Ne duhet të vlerësojmë evolucion e COVID-19 nga një sëmundje pandemike në një endemike.” tha Sanchez në një intervistë gjatë ditës së hënë, duke shtuar se qeveritë evropiane duhet të rivlerësojnë parametrat e reja të sëmundjes.
Në vende si Franca, Gjermani, Italia dhe Rumania, të cilat kanë një shifër rekord infektimesh gjatë këtyre ditëve, kjo temë mund të diskutohet pak më vonë. Gjithashtu Organizata Botërore e Shëndetësisë tha ditën e martë se me shumë mundësi gjysma e popullatës së Evropës do të infektohet nga varianti omicron gjatë 2 muajve pasardhës.
Qeveria belge mbështet vaksinimin me dëshirë, pasi kërkon t’i ofrojë qytetarëve një “zgjedhje të lirë”, sipas kryeministrit Alexander De Croo.
