Tashmë që Android 12 po përhapet në gjithnjë e më shumë pajisje, Google ka prezantuar Android 12 Go Edition. Kur ky sistem operativ të vijë në 2022, do t’i bëjë pajisjet low-cost deri në 30% më të shpejtë. Kjo gjë shtohet mbi përmirësimet e bëra më parë prej 20% nga Android 11 Go Edition.
Nëse hapësira boshe është një problem, atëherë një shërbim i ri lejon sistemin operativ që të pastrojë aplikacionet që ju nuk i përdorni shpesh, duke rritur kështu dhe jetëgjatësinë e baterisë. Ju mund të përforni gjithashtu Files Go për të fshirë diçka nga smartphone-i juaj dhe do të keni një afat 30 ditor nëse dëshironi ta riktheni atë.
Një update në Nearby Share bën të mundur që ju të kurseni dhe planin e internetit duke transferuar aplikacione ndërmjet pajisjeve. Nëse ju dëshironi të përktheni një webpage, mund ta bëni atë lehtësisht falë një shortcut të ri që gjendet në ndërfaqjen e aplikacioneve.
Bashkë me përmirësimet në performancë, Android 12 Go Edition sjell dhe përmirësime në departamentin e privatësisë. Privacy Dashboard që gjendet në Android 12 do të kalojë dhe në Android 12 Go, dhe ju mund ta përdorni atë për të shikuar të gjitha lejet që aplikacionet në smartphone-in tënd përdorin. Sa herë që kamera apo mikrofoni juaj të jetë aktiv, ju do të jeni në gjendje ta kontrolloni përmes indikuesve të rinj në status bar.
